記。生活: 2010

2010/04/04

西貢遊

見到這間無咩人，所以入內試試。之前無看過任何食評，諗住試下，好食再寫食評，估唔到返到屋企，禁多人讚好啊！
叫了個海南雞飯和蝦醬炒通菜食。
海南雞飯跟個冬瓜湯。冬瓜湯還可以，有冬瓜味，唔係清水味已經好好了，味精不重，感覺好甜！
到海南雞飯了。之前食開旺角的泰妃雞，估唔到係西貢都食到禁正的雞。31蚊來說，份量真係少咗dd，但雞味濃滑，食口感覺好嫩，真係好食！飯都是有味飯，但不是黃飯，沒有太多油，讚！
蝦醬炒通菜，好好食，好夠味，有蝦醬味，又有通菜味，通菜中要帶點蝦醬味才算炒通菜。
係出面食，好多味道都是分開的，但這間，真係值得讚啊！

海南雞飯

冬瓜湯

蝦醬炒通菜

http://www.openrice.com/zh/hongkong/review/%E8%A5%BF%E8%B2%A2-%E6%B3%B0%E5%9C%8B%E5%B0%8F%E5%90%83/2073831?tc=MYOR&con=rvw

兒童節西貢遊

兒童節，無野好做，於是入西貢行下。

落巴士，行了不遠，突然見到這間店鋪，在門口見到寫住，要買菠蘿包，請先排隊。今天在門前沒有人排隊，但菠蘿包新鮮出爐，於是阿媽一個箭步就去買包了。六蚊，比起出面，有點貴，又試試真是否否值六蚊吧！

新鮮出爐，好熱，感覺好暖。我平時好少食菠蘿包，但咬了一口，好香菠蘿味，好鬆好軟，一點不漿口。我天生口水比較少，當食包時，最覺困難，總覺得包不能咽下的感覺，但這家的包沒有這種感覺，就止証明，此包鬆軟無比，入口即溶，有種叫人難以忘記的感覺，值得推介！

菠蘿包

http://www.openrice.com/zh/hongkong/review/%E8%A5%BF%E8%B2%A2-%E8%A5%BF%E8%B2%A2%E5%92%96%E5%95%A1%E9%A4%85%E5%BA%97/2073736?tc=MYOR&con=rvw

2010/03/02

人情味餐廳

約朋友食飯，朋友提議這間。

森美餐廳門口並不起眼，只是一個平平無奇的門口，尋找有點困難吧。但一入到室內，充满歐綠色彩的裝飾映進眼前。

我和朋友點了兩個餐，朋友的是大餐，我點的只是普通的牛扒餐。其他不說了，只說吃了什麼吧。
前菜-芝士焗生蠔~個人喜好不太喜歡芝士，但是一個非常好吃的前菜啊。
湯-白湯, 好cream好好味
-龍蝦湯，感覺不錯，不太咸，味道好鮮！賣相非常美，可看圖！用心之作！
扒 - 牛扒（忘了什麼牛扒）拼煙肉，肉質好林，生熟度剛剛好，但食耐點，慢慢會覺得好咸，或許這就是因為不是用鐵板的原固吧，但anyway，這是一份好好味的牛扒。
-牛扒拼鵝肝，第一次如次吃鵝肝，好軟，好香，好味，好林，和牛扒夾得非常好，是一個非常好味的組合啊。
甜品 - 沒有心太軟，又沒有木慷布丁，只有芝士蛋糕。之前提過，本人不太喜歡芝士，但都會試一口吧。送到上枱時，不知是否雪太耐，面頭的凍還未溶化，要花點力去叉上一口，這是敗筆，但慢慢時間久了，冰溶化了，感覺非常好食。
飲品...不用寫吧。
結帳時，親善有禮的老版娘走來談天，還介紹餐廳。用膳時已留意老版娘非常用心地為客人介紹食品，有時更會分析什麼比較適合客人食。這真是一間有人情品的餐廳，在一個寒冷的夜晚，走到這間餐廳用膳，除了讓肚子有暖飽的感覺外，還有內心的溫暖感。森美，加油啊。

芝士蛋糕

龍蝦湯

芝士焗蠔

鵝肝拼牛扒

煙肉拼牛扒

http://www.openrice.com/zh/hongkong/review/%E8%8D%83%E7%81%A3-%E6%A3%AE%E7%BE%8E%E9%A4%90%E5%BB%B3/2068693?tc=MYOR&con=rvw

2010/02/17

勁正

朋友提議食這間，就一於去食啦！

估唔到鋪頭細細，d野食勁好食，仲好抵食tim....

d刺身勁新鮮，海膽勁新鮮，仲有少少海水味，正！

再來串燒，好好食，好夠味。

仲有個炒飯，真係好足料，仲好飽tim....

特別推介，燒銀雪魚，好好味，無雪味，好鮮，好多肉汁，好正。個調味汁做到剛剛好，真係食多兩碟都得呀！ lol

刺身

炒菇

天婦羅

串燒

蝦刺身

燒銀雪魚

http://www.openrice.com/zh/hongkong/review/%E5%B0%96%E6%B2%99%E5%92%80-%E8%8F%8A%E6%97%A5%E6%9C%AC%E6%96%99%E7%90%86/2063589?tc=MYOR&con=rvw

突然食飯

突然約老友食飯，本來想食日本野，但朋友唔太想食，我地異口同聲話唔去相川戶，但反而改選同集團的沙嗲王。

好耐無上荃灣沙嗲王食了，估唔到唔駛等位。

我地好似好有默契地會叫白咖哩豬扒飯，因為叫set 平，所以叫set再叫小食，兩個人，剛剛夠食。

白咖哩豬扒飯真係好好食，唔辣，豬扒好林，好夠味。

炒蜆，味道好正，但有時有沙，但蜆真係可以accept佢有沙，無沙就唔算新鮮蜆啦。

炸日式蝦餅，好似好搵笨，六蚊一個，唔係話好好食...so...無下次。

龍蝦湯...too bad.....咸到嘔呀！好似係到飲緊鹽水禁，唔會再有下次！送俾我都唔飲呀！

白咖哩豬扒飯

炒蜆

唔抵食的日式炸蝦餅

咸到喊龍蝦湯！

http://www.openrice.com/zh/hongkong/review/%E8%8D%83%E7%81%A3-%E6%B2%99%E5%97%B2%E7%8E%8B/2063586?tc=MYOR&con=rvw

**後話.... 原來我up錯相...XDDDD sorry rain~~~

山龍社團團年

第一年join山龍社團團年，第一次入到這間餐廳食晚飯，仲要係包場，勁好笑，西餐廳包場都係第一次。

由於太早未齊人，老細不斷安排薯條，春卷和炸雞翼我們預先品嚐。

我們一行廿二人，真係坐得有點迫，可能真係太多人了。大家都食得好開心。

我唯一可以講的係....由於食得太多，唔記得自己食了幾多野了，只寫記得的吧。

炒蟹，第一次食西餐會見到食蟹，完全無從入手.....因為不想用手！

蜆，好鮮，好好味，好清，好有蜆味！

紅蘿白湯，好好飲，好濃，好有紅蘿白的味。(出於一個不愛吃紅蘿白的人的口中)

蒜容包，正到無得頂！好"翠"，好有蒜容味，好香，好好食啊。

和牛牛扒，真係值回票價，大塊到呢，仲大過我塊面呀！朋友用大過...PP來形客！以為禁大塊會唔好食，但原來勁好食，生熟程度剛剛好，好林好好味。

心太軟甜品，真係一下就流野出來，好甜好食。但我印象中有個更好食的心太軟，但忘了係邊到食了！這個真係值得推介。

其他野呢....只記得其他人都話好好食，有少少相，可以share一下的。 tongue