記一種心情

最近其實多野煩既。。。有朋友問過下我咩事唔開心，但我知我有啲野係唔可以講出嚟既，有啲係可以同佢講既，最終我只係講咗可以講嗰部份。。。

講得嗰部份係呢個月又阿嬤生日，又母親節，我心情好就怪啦，去拜阿嫲都有少少喊，好彩唔太多，去拜媽咪，我都驚喊到仆街呀。。。。

唔講得嗰部份，其實有工作啦和愛情啦。。。。講工作先。其實呢期真心靜，但有工埋嚟，我係咪應該要take，我又十五十六，六月中想去日本，又唔想cancel，五月尾有一日要請假，本身呢個假期想搞既野又一拖又拖，未搞，唔係唔做，總之又係嗰啲未諗定既心態。雖然咩都未定，但總相信一切有神會安排既，我都係唔好太擔心啦，等神安排啦，真心累，係心累。

不如講愛情，分三部份啦，第一部份係當呢個人發生咩事，我都無咩太大感覺既話，我諗我放低咗佢架啦，因為佢真係一而再，再而三禁挑戰我底線。

第二部份係，我應該選一個怎樣的人呢？條件係咩？有時有啲真係做朋友好好傾，好舒服，因為傾計真係可以傾到好深入。。。但知道唔會同佢有下文，或者真心朋友only。。。

第三部份係。。。我最近對一個女仔有好感，但佢真係好i.... 仲成日唔知自己想點，最大鑊係佢身邊好多人教佢要點，佢有聽。。因為聽到佢講既野係某啲人口中講過，但我總相信事情有兩面，係咪一定要用嗰個方法呢？what ever 啦，唔係我，我唔理啦，我只係覺得佢有啲慘。。。同埋啲人無咩同理心，見到係咪要出聲？唔啦，傻既咩。。。阿慧成日話我呢個位真係需要朋友幫手既，不過我又唔太想，我唔想迫佢，唔想推佢，呢一切都係我唔想既，話好佛系咩，一半啦，我只想留啲空間俾大家。。。面對佢，我真係唔知應該點做，盡人士啦，真心累。呢個女仔同我以前鐘意既好大分別，唯一相同既係女仔囉。。。所以有時都唔明自己點解會睇上佢。不過佢無之前ami幫我算既我另一半既特質，所以，諗下啦。

講多樣，昨日某谷主話有新人入谷，獅子座，又係45+，我真心驚，驚係暴，到底佢係我心中個心理陰影有幾大？有幾耐呢？迷!

世界真細小

 最近俾朋友捉咗入某啲group，話要介紹啲朋友我識下。。。終於有日我有時間出咗嚟了，一班人禁都唔傾得太多野。。。原來真正傾到既係得四個人。對方係一對copule 嚟既，原來都識同一個人，而呢位朋友對某人有啲疑問，和有啲野訴啦，我解開咗佢既問題。。。。

唉，其實出嚟識人，都唔係第一次有人識佢了，估唔到今次呢個朋友講咗佢之前中間既野俾我知，仲有啲我唔知既野。。。我信既，因為我認識既都係禁。。。我知我無決定錯。。。或許會好有緣，但真係唔值得。真心好累，身累，心更累。。。但我直覺話我知，未完。。。只係時間的問題。但認真，我唔想。

最近我都盡量樂觀去面對任何事，無論係捉得穩定還是捉唔穩的事，雖然好多事情都不似預期，但我只能盡我能力去為自己改變的心態。不是事事盡如人意，但需要調查心態去接受所有事情和用頭腦去解決問題。

某日打波，我突然有個覺誤。其實人生就好似打羽毛球一樣，有贏波，有輸波，當輸緊時，要諗下用咩方法可以拎分，最少都唔好輸得太難睇啦。。。如果贏太多，都要諗下點放下水俾人，唔好贏太多啦，人哋好無面架。對住啲弱手，要諗下點放水，點就住打，由其是女仔，要知點放水先有人會想同你玩架。對住啲自大的人，就要知點去忍下道火，因為自己場，唔可以發火，要忍口，忍火。其實有時要控制自己EQ真係難的，我都努力控制一下自己的面口，盡力啦，但有時嗰幾秒黑面真係難控制。。。我會黑面架，最多唔出聲。。。所以羽毛球真係可以練到好多野。我都仲學緊，最少我波品幾好，好多人都鐘意同我玩～

近況 無題

最近發生咗好多事，好累。。。身累，心更累，情緒唔太好，可能因為需要面對好多事情，所以更加累。。。

講下工作先，我諗主要問題都係嚟自工作，又一份工過去了，能力錯配係呢度最大的問題，唔止我一個人，仲有好多人都係禁，各人都搵緊自己的出口，我唔係第一個，只係我比其他人早一點吧，但日日這樣的生活，我真係有點吃不消，而且我知我的唔開心，係來自工作錯配，所以唔開心。唔緊要，同拍拖一樣，唔啱就唔好勉強啦，勉強無幸福。

再講屋企，近期成日想多啲返去睇老豆，原來我根本好難抽到時間，有時累到只想早啲回家休息，加上最近真係多咗野搞。。。唉。。。

早兩晚睇到劇，講個阿嬤走咗，個孫女送別，我喊到仆街，對上一次禁喊，係壓力大到頂唔順，去咗阿媽墓對喊，唉，真係唔想喊到禁，但一觸到呢啲死穴，我真係無計。。。我從來都認自己係眼淺的，以前無禁易喊，現在就好易喊了，因為我讓自己情緒發出來，唔想再壓抑住，對我嚟講係一件好事來的。

講下感情，我知我自己想要咩，需要咩。最近有朋友話我成日提我ex，俾人感覺好似放唔低佢，我放低咗好耐架啦。。。只係間中都會記返起，有時我真係唔想再提，不過我會再少啲講起架啦，因為佢已經不再重要了。而c9...根本唔想再提起，因為提都無用，唔想再講呢個人，好累。話拖咗十年？前前後後五年？唔記得啦，我只想向前看。。

仲想講多少少校友會的野，唔經唔覺原來做咗廿年，林蛇都同我哋行咗廿年，最近佢返咗嚟探我哋，佢狀態好好呀，以前的林蛇返咗嚟啦。想當年點解做校友會，我認除咗老師叫外，我係有少少私心的，禁多年的私心係成功的，只係我唔會係度講任何原因，明我的，一定會明，而禁多年校友會學到的和收穫到的，都係無價的。

我看似無心機，但原來我要耍心機時，都可以好周詳架。呢點係我預唔到的。。。如果唔係信神，我壞咗好耐啦。

寫下記下，二月的最尾一天

今晚突然又想寫下野，有無咩唔開心？有一啲既，開心既野都多，煩既野都唔少，但改變咗自己的心態，就可以快樂一點。

講下工作先，呢期係有啲唔開心既，好似乜都唔係好關我事。。。而且我老細好似無咩想同我講。有時同同事傾開，其實咩都唔關我事係一件好事，而且我個位唔好理禁多野好啲。。。我同事仲同我傾，如果有機會，去搵下有無prem位，it可能有位，叫我留意下，我呢個位有我會有少少覺得悶既。都會諗諗，第四個月又諗。。。搞咩。。。。

早幾日拉埋個新識既朋友一齊去行山，同我班波友，成班人真係傻架，好好笑，笑到肚痛，咩都講得，仲亂禁嚟，好好笑。我仲驚我朋友會悶，我朋友都同我啲朋友傾得好開心，大家都好照顧大家。我朋友仲話無諗過我班朋友既年紀range禁大，大家又玩得埋一齊，以為我哋係教會，但點止我哋只係打波識，打波既朋友既朋友，又玩埋一齊，好好笑。我仲發現，原來我哋個個星期都見。。。家人一樣，好好笑。

呢期成日聽阿kit唱歌和講經。。阿kit既歌真係暖到人心，而且本身係咩人，真係會吸咗咩人返嚟，好神奇架，鐘意邪教教主既人，真係差極有限。最估唔到既係，原來大家都係信耶蘇。又會禁啱既！原來張生都係。。。哈哈~~~我知我阿mi係囉！

有時唔開心，除咗同人傾計外，就係係度寫一下，記一下，或者無人睇，或者有人睇，唔知了，i don't fucking care!

阿妹既老爺走咗了。。

阿妹既老爺走咗了，都八十幾歲，都好多病痛。。。前一兩星期阿妹叫我幫佢睇仔，佢已經講醫生叫佢哋屋企人有定心理準備，話佢老爺情況唔太好，我無去睇佢，有幫佢睇住個仔時facetime見佢老爺。我聽到佢老爺同阿仔既對話，都知道佢自己都估到下。跟住都聽到阿妹講話佢老爺情況反反覆覆，時好時壞，大部份時間都係瞓。我老豆上星期有去睇佢，老豆叫我唔好去。我最終都無去，我唔知阿妹會唔會嬲我啦，不過由佢啦。

頭先五點幾，阿妹msg我同老豆講，聽到呢個消息當然係會唔開心啦，加上最近我其實好多野煩，唔係好開心，所以我最終 call咗潔瑩出嚟陪下我，搵地方食飯坐下傾下計。我有同潔瑩講咩事，好朋友知咩事，加上我主動搵朋友陪，都知我真係需要的。兩個人出嚟傾下計，咩都傾下，咩都講下，心情係會好啲，由其係我哋兩個一齊成長既，好多時都唔駛再解釋，感覺好一點。

今晚有傾到，當我有事需要人陪時，邊個第一個走咗去？哈哈，又係嗰個囉，我都唔知可以講咩了，想佢陪我，最終都係點L我幫去做乜做乜，唉。。。我都唔知可以再講咩了，碎咗既心，永遠都係碎咗，唔想砌返。。。明既明，唔明就黎明。

人馬座有咩特點？觀察力強？其實係真既！我觀察力堅強既，只係唔會想講出嚟，或者唔想踢爆囉。呢個係天生既，如果唔係都唔會有禁強踢爆人講大話既能力啦。。。。

呢期有人問我，想要個點既女仔？我諗咗一陣，其實簡單講，好似我心中嗰個就可以了，但我仲未搵到。。。。嗰個唔係，嗰個都唔係。。。。。未出現，未遇到。

五年了.....

 今日又係阿嬤的死忌，心情不算太好，但比上年好一點，最少嗰刻我係屋企，加上未瞓醒，所以感覺好一點吧。但知道我有發夢。。。個夢講我為咗某人，願意被人打，跟住被某人知道，佢來照顧我。我知我愛這個人，但這人是誰，忘了，忘了樣子，只記得個感覺，好愛，但對方好似不算太喜歡我吧。。。

今日過得有點忙，打完波，去買完餸，返屋企整完餸就返老家了，返到老家，老豆收早，好早就係度等我們。返到去整完一輪餸，阿妹返嚟接力煮，請咗姨媽落嚟食飯，姨媽提我多啲返梨木樹睇老豆，老豆成日唔舒服，抽啲時間返嚟睇下佢。我諗我真係要了，最近真係好懶，只想係屋企。。。或許因為老豆有時真係太多野怨了，唉。。。。累。。。

最近其實心情真心麻麻，一來近阿嬤死忌，二來係因為感情問題掛，可能未有感情先有問題。又講返上次識咗個女仔，想了解多啲，但對方一早落閘，我都放棄了，但知道我好難忘記一個人，所以佢出嚟既活動，我唔多想去，唉，再諗啦，順期自然。。。真心，感情事，我好累。。。但每次想放棄，又好似又有啲希望，真係暈。。。

早兩晚聽朋友講，用her試下識下女仔，但。。。第一下就match....c9... shit!!!!唔好啦。。。仲話有三日時間可以搵佢，要搵佢，唔需要係apps啦，但我真係唔想再同佢拖拖拉拉落去。。。佢無意思，我一早應該放手，只係一直都唔捨得。但當佢一次又一次傷你的心，失望到極，就知自己要放棄，要放下了。明明仲有感覺，但我真係唔想再拖落去啦，好嗎。。。唉。。。總之邪啦。。。未完？我唔知呀。。。但真心，佢有某啲野係真係好的，但差既野，真心令人好失望。。。

今晚睇單身男女2 。。。。好多野諗，可唔可以唔好禁呢。。。唉。。。。

今晚我知嗰個女仔會收到袋野，我估佢唔會搵我，我估我會估得中的。。。其實我唔想用手段去試人，但無奈成日都要我出呢啲野。。。我只想簡簡單單，但心計呢啲野，唔到最後，我唔想用。。。可惜。。。唉。。。唔識講。。。

呢期真心心情麻麻，唔想再係有佢既group吹水，少啲覆msg，少啲睇group啦，戒group，讓佢玩和去識人啦，我自己去搵其他都ok, 唔想太尷尬。。。或許是我自己尷尬。。。

2025，煩事總停不了....

最近好多好多唔開心，工作無咩特別，唔開心既好多都係因為同朋友的事，還有一啲期望，要搵既樹洞已經傾過了，遺下既只有係度記一下。

首先第一樣係女神媽咪走咗了，佢好傷心，我明，她從不孤單，我完全明白她的感受，希望她可以撐住，因為仲要照顧她的爸爸。

聖誕嗰期身體狀態好差，可能因為打波太多，我哋場太多，我對我朋友開太多場有啲不滿，我有係唔同的飯局都有講，可能講得太多，朋友唔鐘意，所以大家有啲面左左，最終當然我收聲啦。以為2024年過去，單野完咗，原來未完，前幾星期發現某個場館無冷氣，我主動幫手通知兩個好朋友的波友，最終兩個都唔打，個朋友知道咗，大發雷霆，話我好自把自為，令嗰兩個朋友退咗場，又話我愈權，話我做場主啦，佢唔做。我最終都由佢嘈，唔出聲，我係有啲谷住一肚氣，最終大家都無事，但問心，心中總有條刺。我現在盡可能都唔幫手架啦，由佢啦，唔好勉強。呢個係第一單。。。。

第二單又係朋友。。。話說呢個星期無啦啦full booking..我完全唔知點解又唔太記得。我星期二本身約咗朋友c，但佢話唔舒服要改17號，但其實我心入面幾唔想，雖然我只係打波，另一個原因因為朋友話俾我知某人星期五得閒，叫我試下去約佢，禁我勉強都答咗我朋友c 17號可以啦。另外我16號約咗三個朋友，但其中一個話唔舒服，想改下星期，我16晚free咗，所以問下朋友c改唔改到16號，跟住話佢知我17號面對的兩難，我想試下約，但未行動，但朋友c就覺得不被尊重，覺得人哋唔理我先去約佢，唉。。。。我真係爆炸，邊度有發生過呀，我係想，但我幾肯定佢唔會想出嚟食飯架啦，由其我約。。。。所以我都只係諗下。最終結論係朋友c嬲L咗，食飯cancel...而我都同預期一樣約唔到人哋，完。

第三單係我發覺有人出賣我，將我同佢傾計既野講返俾嗰個人聽，加咗幾多野，我唔知，我只係知，我唔可以再信佢了，以後所有野都要小心。我係group識呢個人，本身呢個人好似無咩威脅禁，佢俾人感覺係無攻擊性，但幾次傾談後，我都發覺我講既野好似返返去某某人度，禁我就知邊個講出去了。。。我唔開心既原因係覺得我點解要信呢個人？我都只係一個純真的人，想去相信所有人，但原來最終發現呢個人我唔可以信任。係我太天真？還是我根本唔應該相信別人？但做朋友下下都要我用天賦去看真假，去搵證據，我真心好累。。唔好禁好嗎？

第四單事情唔開心係我識咗個女仔，係group識，同佢msg好無癮，因為佢好似無咩興趣同我傾計禁，我對佢有好感，但唔代表我會想同佢一齊，我都只係想了解下佢係咪我想要的，但試過幾次想了解，佢都唔太想，禁我算數了。有朋友話呢個女仔同c9有少少似，但我真心唔覺。。。唔似。。。真係？一個戀愛腦的我，面對禁既情況，當然會唔開心啦。其實我想放棄了，無力感好重，每次對住啲女仔都係禁，我真係好累呀。。。。我見好多tb樣都話自己係NL，問心，我唔算真係好b，但我唔想呃人，唔想呃自己，我唔想禁樣，所以我會有我白痴的堅持。好似好多年前聯哥有話過我，女人心，男人身，有時諗野都好女人，但其實你好需要幫手。。。或者啦，但我都唔想再求助了。

有人話人馬係抑鬱底，係真的。。。我表面盡可能做到正面啲，但其實實際根本係抑鬱。。。我唔想禁，所以我唔會俾自己沉落去，我會拉返自己上嚟。係度記一下，係因為我想記，呢個係我最安全的地方，雖然公開，但真心，有幾多人會睇到？應該唔多，最少我有興趣的人唔會睇到，佢連我fb ig都無，我都唔會隨便add 人。由其玩thread我都係會用返shop個ac 玩，ig 都係用shop ac多。。。。費事俾禁多人知我既野。

昨晚同den食飯，好耐無見佢了，佢變咗。但本質無變，我明佢，佢明白我，佢係一個好的傾訴者。我會用把口抽佢水，但行動就一定唔會，佢知我都係亂講下，講完就無。我錫佢，佢都好錫我，佢會就我，我都會就佢，或者因為我同佢都似，佢既諗法我會估到，可能係因為我哋真係太熟了。我只希望佢唔駛禁多 ot，開心啲~

女兒的女兒

 今晚睇咗呢套戲，之前睇trailer有興趣睇。我又有張免費發就到期，所以搵戲睇。。。最終係電影中心睇呢套，因為無咩片啱睇，點知伏。。。。

唔講個內容講乜了，反正網上多的是。我只想講我自己的感受，睇到火滾，好忟。。。。

個老母軟弱到一個點，個女出事，又唔知點處理，跟住個老母又好鬼自私，最終個老母終於醒覺了，完。根本套野30分鐘可以完，都係要做到百二分鐘。。。如果係屋企睇，我應該半個鐘就睇晒了，我個人太過。。。。怕悶。

朋友成日都話我理性，無論處理什麼事都好理性，唯獨感情除外。以我一個處理事情禁能幹的人去睇呢套戲，一定火滾。。。。

當年阿嬤走或者阿媽走，我都係先處理事情，再慢慢傷心。事情點都要處理，所以要頂住壓力去處理。我記得當年阿婆走或者係澳門姨媽走，我都係處理咗媽咪既情緒先再處理自己的情緒。或者媽咪當刻就知我有這個能力吧。

還記得買呢層樓的時候，收到選樓信，媽咪係醫院，嗰刻我真係頭都大晒，唔知點處理，諗返如果係媽咪會點處理呢。最終我都係跟媽咪的方法去做，行咗先，所有問題之後先諗，果然媽咪無睇錯我，之後的問題雖然好多，但都可以解決到。都唔好話我媽唔勁，我媽最勁一樣野係佢信我有能力解決得到。

講返呢套戲，林家欣做得好，完!