今晚突然想寫一下2025年的回顧，到底我今年發生過咩事？
今年轉咗一次工，又好似無轉過工一樣，下半年呢份工其實好啱自己，有啲悶，開心係識到好多好朋友，有散有聚，又遇到一個好好的上司，可惜相處的日子唔多，開心同佢做到朋友，朋友only...
呢份工作比較有成功感，但前路好迷惘，所有野都係等下，期待一下，諗唔到太多了，唯有見步行步啦。
今年又打咗好多場波，係波場識咗好多朋友，又有打pickle，又毒咗啲朋友一齊打，開心的，今年仲好成功禁book到場，成功開到一場pickle，掂。
愛情仍然未到，唯一可以講係我真係放到手，雖然個心仍有佢，但放手啦，再拖都無結果，唔好再俾自己拖落去啦，凡事隨心啦，神一定有有好的安排的，所以唔駛太擔心，一切都有安排的。
早兩日朋友問我，點解要拍拖，拍拖為乜？我諗咗一陣，其實我一早有答案了。物質對我來講唔太重要，我只係想有個人可以同我分享一切，開心唔開心，一齊玩，好想將最好的俾佢，又想好好保護佢，愛護佢，錫佢，對佢好。我無諗太多拍拖要考慮太多的問題，或許是我個人比較有計劃，所以一切來到都唔太驚。anyway 我知神有時有啲指引我，我都盡力去做啦～
2025年仍然夜瞓，有時仲瞓唔到，可能飲得咖啡太多了，係公司仲飲得勁，唔係公司都仲好啲。。。我會盡力早瞓了。
今年終於去搞媽咪的遺產了，仲有一少部份未搞掂。。。唉。。。一講到搞呢啲野，真係好有無力感，都係頂硬上去做。
今年飛咗三次，好似好過份呀，最尾一次去大阪終於買到拍啦，出年可以唔駛target去日本啦，哈哈～
總結2025年平安順利，感恩有一大班朋友一起過，感恩有神的指引和安排，感恩有神一起签過，感恩神一切的安排。
