勁正

朋友提議食這間，就一於去食啦！

估唔到鋪頭細細，d野食勁好食，仲好抵食tim....

d刺身勁新鮮，海膽勁新鮮，仲有少少海水味，正！

再來串燒，好好食，好夠味。

仲有個炒飯，真係好足料，仲好飽tim....

特別推介，燒銀雪魚，好好味，無雪味，好鮮，好多肉汁，好正。個調味汁做到剛剛好，真係食多兩碟都得呀！

0

 刺身

0

 炒菇

0

 天婦羅

0

 串燒

0

 蝦刺身

0

 燒銀雪魚

http://www.openrice.com/zh/hongkong/review/%E5%B0%96%E6%B2%99%E5%92%80-%E8%8F%8A%E6%97%A5%E6%9C%AC%E6%96%99%E7%90%86/2063589?tc=MYOR&con=rvw

突然食飯

突然約老友食飯，本來想食日本野，但朋友唔太想食，我地異口同聲話唔去相川戶，但反而改選同集團的沙嗲王。

好耐無上荃灣沙嗲王食了，估唔到唔駛等位。

我地好似好有默契地會叫白咖哩豬扒飯，因為叫set 平，所以叫set再叫小食，兩個人，剛剛夠食。

白咖哩豬扒飯真係好好食，唔辣，豬扒好林，好夠味。

炒蜆，味道好正，但有時有沙，但蜆真係可以accept佢有沙，無沙就唔算新鮮蜆啦。

炸日式蝦餅，好似好搵笨，六蚊一個，唔係話好好食...so...無下次。

龍蝦湯...too bad.....咸到嘔呀！好似係到飲緊鹽水禁，唔會再有下次！送俾我都唔飲呀！

0

 白咖哩豬扒飯

0

 炒蜆

0

唔抵食的日式炸蝦餅

0

 咸到喊龍蝦湯！

http://www.openrice.com/zh/hongkong/review/%E8%8D%83%E7%81%A3-%E6%B2%99%E5%97%B2%E7%8E%8B/2063586?tc=MYOR&con=rvw

**後話.... 原來我up錯相...XDDDD sorry rain~~~

山龍社團團年

第一年join山龍社團團年，第一次入到這間餐廳食晚飯，仲要係包場，勁好笑，西餐廳包場都係第一次。

由於太早未齊人，老細不斷安排薯條，春卷和炸雞翼我們預先品嚐。

我們一行廿二人，真係坐得有點迫，可能真係太多人了。大家都食得好開心。

我唯一可以講的係....由於食得太多，唔記得自己食了幾多野了，只寫記得的吧。

炒蟹，第一次食西餐會見到食蟹，完全無從入手.....因為不想用手！

蜆，好鮮，好好味，好清，好有蜆味！

紅蘿白湯，好好飲，好濃，好有紅蘿白的味。(出於一個不愛吃紅蘿白的人的口中)

蒜容包，正到無得頂！好"翠"，好有蒜容味，好香，好好食啊。

和牛牛扒，真係值回票價，大塊到呢，仲大過我塊面呀！朋友用大過...PP來形客！以為禁大塊會唔好食，但原來勁好食，生熟程度剛剛好，好林好好味。

心太軟甜品，真係一下就流野出來，好甜好食。但我印象中有個更好食的心太軟，但忘了係邊到食了！這個真係值得推介。

其他野呢....只記得其他人都話好好食，有少少相，可以share一下的。

http://www.openrice.com/zh/hongkong/review/%E5%A4%A9%E5%90%8E-pluto/2063583?tc=MYOR&con=rvw

0

 炒蟹，西餐食蟹，真係第一次。

0

 蜆

0

 素卷

0

 勁正的蒜容包

0

 紅蘿白湯，好正！(出自一個不愛食紅蘿白的我的口中)

0

 好大塊的牛扒

0

 香蕉蛋糕

0

 心太軟

無下次

星期五晚，接完女友，諗住找地方食野，女友提議去皇府食打邊爐，上到去，坐底都好好地，但可能人太多，服務不太好，我們選了湯底後，再點食物，但我們點了好多次都無咩野食，菜又無，玉米又無，只係得D平價貨，丸和蟹柳等。什麼健康飲品得酸梅湯，我女朋友唔飲的，個waiter話無晒竹庶水，點之，俾我見到，人地隔離枱飲晒添飲就有，坐夜廚房門口的都有，遠少少就無啦，我地問佢都話無晒，激死，人地仲要遲過我地入去食，好唔公平呀！都唔知什麼酒家，真係以後都唔會去食呀!!

http://www.openrice.com/zh/hongkong/review/%E9%8A%85%E9%91%BC%E7%81%A3-%E7%85%8C%E5%BA%9C%E9%85%92%E5%AE%B6/126805?tc=MYOR&con=rvw

新鮮

06-06/2006

上個星期去聽草蜢，本來想食元氣，但鬼禁多人，見到羽壽司的價錢又差唔多，又唔駛等，就一於入去試吓，入到去，唔太多人，好快就有位了。我和女朋友見到D三文魚好新鮮，又叫了個軟”腳”蟹手卷，好正，第一次食到有野流出來，好新鮮，其他食物都好正，好新鮮，仲有一個香芒沙律，感覺好新和好清，好正...我地感覺是好似峰壽司禁。這是一間有誠意的壽司店，因為用人手整壽司，感覺好正...

http://www.openrice.com/zh/hongkong/restaurant/%E5%B0%96%E6%B2%99%E5%92%80-%E7%BE%BD%E5%A3%BD%E5%8F%B8/12134?tc=MYOR&con=rvw

服務態度勁差

04-09-2006

務態度勁差，完全沒有customer service可言，以後都唔會再去食呀，未見過一間pizza hut的服務可以差得禁緊要。

野食就還可以啦，個三文魚去咗邊食完好\"lau\"，好飽，三個人食一個二人餐\都有找，真係飽到死呀！！！

唯一個沙律好食..

http://www.openrice.com/zh/hongkong/restaurant/%E9%8A%85%E9%91%BC%E7%81%A3-%E5%BF%85%E5%8B%9D%E5%AE%A2/11215?tc=MYOR&con=rvw

朋友出國飯

04-09-2006

8月27日晚去食，D野幾好食啊，隻雞最正，個翅都幾好食，無味精，但位就迫少少，其他飽魚等都好正...最記得個排骨，D肉剛剛離骨，正，真係非常正，值得推介...必定要食啊

http://www.openrice.com/zh/hongkong/restaurant/%E4%BD%90%E6%95%A6-%E5%A4%A7%E7%95%B6%E5%AE%B6%E7%B2%B5%E7%9A%87%E9%A3%9F%E5%BA%9C/14982?tc=MYOR&con=rvw