2014回顧

隨著2014年的完結，又是時候做一個總結了！做總結當然少不了看看年頭的目標吧！

今年仍然無愛情，某些東西放手了，續約成功，但同時我想離開；去了兩次旅行，地點同是台灣吧，其他都總算還可以吧，但…我仍然未學懂杏加橙！

今年三月去了台北一轉，年尾再去了高雄一轉，沒太多的特別，年頭和朋友去，玩四日，仲累過返工！我衰….我plan到個行程勁full….年尾就同阿媽去，看似唔多趕，但其實又是累爆！台灣的總結係….下次一係自己一個人去，一係就要搵個識得踏單車的朋友一齊去又或者…..自架遊吧！

其實今年續咗約都唔係一件好事，有同事愛玩國技，又有同事愛玩推手，我呢？我做返自己本份就夠了，接著當然是去搵工吧！有選擇是一件好事！前陣子，因為工作，我的情緒病又病發，情況看似嚴重，但最終都是自己努力咬緊牙關過了！世上沒有過不了的問題，只有相信神！

今年支kit鏡因為旅行，終於都壞了，出年換鏡！

今年駛好多錢，一來要換屋企部電視，二來換電話，其他的全部唔記得了！搵得來，駛得去吧！

今年考了CRE和JRE，CRE英文終於合格了，而JRE點會禁快知成績吖...而且真係拎經驗，唔會有太大期望吧。而公務員的考試都考了一點，下年繼續努力吧。

校友會轉莊順利，雖然會員大會有點mistake，但一切都順利解決了。接住當然是學校的四十周年校慶吧！

今年沒太多想記，唯一想記的是世界杯和生日兩件事。

世界杯

第一次半夜出街睇波，第一次半夜上老師屋企睇波，第一次同老師睇波，第一次同老師落bar睇波，第一次同老師一齊討論愛隊，第一次同老師睇加時，第一次同老師睇射十二碼。。。呢d第一次，真係一生難忘！

生日

第一次生日同老師食飯，第一次同老師一齊切蛋糕，第一次….第一次。。。第一次。。。第一次。。。好多都唔寫得，唔想太掦，自己明就算了。

2014年就這樣過去了，生活還可以，不要求太多，平凡是福吧。要信神，相信神就夠了。

在2014年完結前的前幾天，發生了一件事，我知這是神的安排，我知神有聽我的禱告的，這是最後一次！我明的！不論結果如何，我為自己定下底線！盡力去做，不要讓自己後悔！我不信奇蹟，但我相信有神蹟！感謝神的安排。