最近自己發生好多事情，無論是家庭又還是工作，還有愛情，真的很累，我需要一個地方去發洩，運動場是一個好的地方，可惜….很少時間打波了。
今日食lunch，我平時食lunch有個半鐘，所以我計劃中間半個鐘去打場壁球發洩。正當我準備出門之際，我老細突然係房叫話叫外賣….頂，佢遲多一個字我就出咗去了，睬佢都有味。在不情願的情況下幫佢叫外賣，仲要出去拎，唉…最終我條氣都係頂住，要去打場壁球發洩！半個鐘壁球，趕到爆炸！但真係好舒服，打得好開心，雖然唔太識打啦，和追唔到波啦…但都要多謝我哥教我打！
屋企的事，由得事情慢慢去改變啦，我也改變不了太多。工作就…忍耐多一下，搵到工就走！至於愛情，我很累了…..真的很累…..我知佢有人追，而我根本都沒有能力去追到佢，而且我真係好失敗呀….所以我已經知道那天的到臨，結果正如我預期一樣吧。
今日佢為我的事而動氣，還想去爆我上司。這刻心動了…但其實我知我成日俾人蝦，朋友知我太善良，所以會蝦我，但她們大多都會主動去保護我的。可能由細都大都是這樣，這是我的性格，好難去改變的。還記得當年暴龍講過，佢話只可以係佢蝦我，佢唔俾其他人蝦我，最終呢？係，佢蝦得我好切底呀….
其實做人蝕少少都真係無咩所謂的，只要不太過份就算了，做人唔需要計太多吧，有時。。。心中有數的，但有些人是得寸進尺的。Anyway，這是我的性格，很難很難去改變的。
沒有留言:
張貼留言