七月十四

 話講話講，都八月尾，都未講到，唉。。。係我心軟定係次次想講都有太多的變數呢？又係月老的安排？

佢聽日就飛泰國了，去五日，返嚟幾日又飛突尼西亞，一去就去十日。返嚟好似係星期五。。。唔知去唔去接佢，再諗啦。不過佢泰國返嚟我應該唔去接佢了。

佢搵我幫佢執屋，我又發覺自己好似阿四，都唔係第一日架啦，原來我仲未習慣呢個阿四的生活。

昨晚我又上咗佢屋企執野，我有個習慣，執親野就想鬧人。。。執執下，佢話同坪洲上嚟，仲問我介唔介意，佢話我仲可以繼續係佢度執野，佢同坪洲係度。我唔想禁，所以我火速閃就算了，反正我返屋企都大把野搞，唔想係度見到佢哋，我唔想睇。我介唔介意？唔通我呷醋要話你知咩？我情願乜都唔知，乜都唔見。我又唔係邊位。

工作唔太忙，我開始想WFH，太累了，我個人比較累，所以想休息多啲，WFH一下。但WFH我都應該好多野做啦，習慣吧。

愛情控制不來，那努力工作吧。起碼我努力工作真的有回報的。愛情沒有回報，只有付出，我有點累了，不是有點，是很累了。我還可以支持多久？到底我還要拖到何時呢？

今日係七月十四，仲有幾日係阿媽死忌，我心情都唔太好。