2016展望

談到展望，我想先談談夢想。

某天....妹夫和我傾談，談我的夢想，我總推說沒有。其實熟我的，都知道我的夢想從沒變過，從來都只有一個。對一般人來說，夢想可能好偉大，又或者好華麗，但。。。其實我的夢想從來只是很簡單很簡單。總過多年的努力，夢成真了，接下來全是bouns！而我的夢想是什麼？哈哈，不便透露！

這次展望，拖了很久才下筆，因為時間？又或許我想多一點時間思考一下。說到尾除了懶之外，真係無野想講。

前幾日和不同的朋友食飯，不約而同談起我的工作。不同的朋友給予我不同的意見。我可以總結一下大家的看法。

我總是做一些temp job，不穩定的工作，我的路應該可以行得再好一點。最近真的有點不順，人不順，總帶有幾分怨氣，人不會一世順景，怨氣真的要減少一點。想清楚什麼最適合你？十年了，做過不同的工作，那一部份你做得最舒服？那一部份你做得最開心？那你就明白什麼最適合你了。

總結以前點點，我應該去搵份做budgeting的，做project的工作，似乎business analyst行finance 那邊會比較適合，但我沒有CPA。沒有的學歷可以讀可以搵，但適合比任何野都重要。地點不要介意太多，只要可以接受就算了。還有是最好是長工，合約也不要太短吧。自己睇budget，就算己決定怎樣去駛錢吧。


和同事相處方面，講野用下個腦，唔好成日得罪人，做返一個以前的自己，唔好學埋人地d衰野，唔該！人馬應該天生周圍都係朋友，唔係去到邊就同人地無野講到邊。

工作方面講完就講讀書。今年真係要搵d野讀下啦，為工作又好為自己又好，係時候要駛這舊錢了。至於讀什麼？轉到工就自然知道了，不用太心急吧。

運動方面，總想試自己實力出外比賽，但沒有partner，自己技術真係差少少，所以加油先可以出動。總之長遠目標真係比賽，唔止要打得好，仲想拎奬。年尾停咗練波大半個月，再練返明顯有進步的，真係要多謝神令我禁多野做無時間練波。Thanks God.

身體方面，小病是福就夠了，要keep住唔好受傷就可以keep住一直打落去。

今年下半年起已經盡量抽多d時間留係屋企，陪屋企人的時間多咗，多咗返屋企食飯，多咗食阿媽煮的野。阿媽真係需要多d時間陪的。所以除咗打波，我多數都係會係屋企。其實打波我都係盡量搵d近d屋企，唔駛去太遠的地方，因為時間啦，二來想係屋企啦。

寫到尾先談愛情，因為這刻原來我仲未ready。工作從未穩定，如何談愛情？所以愛情我不想談太多了，最好的已遇上，但她從來都不是我的。或許我還未遇到我的那個吧，anyway，我感恩神這刻的安排，安排一個最好的已在身邊了。有時自己一個更開心。

2016展望差不多寫好了，還有什麼？其實每天除了工作，就沒有太多的期望了，對自己總有點要求，但大部份都是能力可做到的，其他太天馬行空的，不要想，這刻足夠就好了。什麼叫作剛剛好？珍惜就是了。

最後想記.....我想去一次日本旅行，邊度都好啦，日本就得了，想....諗諗！