若要人不知，唔好太低B！

講返上星期四發生什麼事先。。。。
話說上星期三下午，我被人夾咗去做開會support，痴線，完全無野做，係插過插過一次線，跟住搵過一次人，無了！個會三粒幾鐘，要坐係到，又唔可以玩電話，又唔可以坐得衰，又唔可以起身，直頭收賣人命！悶係一種折磨！最終搞到六點三走，又趕住去金鐘睇狂揪夫妻！呢單野，原來有下文。

話說星期四下午，我老細無啦啦周圍行，望到我又上facebook，又打機，之後捉咗我入房，佢終於開火了。講咩呢？又係那種。。。返工時間上網睇其他野呀，又話我代表公司，昨日個會禁坐好樣衰等等一些似是而非的指控。她還說一係我俾信，一係佢俾warning我，話對我自己個reference唔好，fine，我講咩都無用，但我都開咗兩句火，真的無精神同佢開呀！最終我俾信，其實老早準備好了，只係遲定早的問題吧！既然提早了，那就...算吧，反正我都看她不順眼！我頂佢唔住。

我星期四收工前俾完信，廿七號last day，星期五去國泰城見國泰，成果不錯，今天只有等電話，最終終於在食飯時間收到好消息了，條件不錯啊！地點係遠少少，但都可以接受的。最緊要真係條件和job duty好。

當自己冷靜下來，仔細想想成個故事，終於明白故事的轉向是什麼。其實由一開始我老細已經行錯。為什麼我會這樣說？事情就要由請我那刻說起。話說她請我的原因是因為budget有多錢，所以想請多個人來試下，會唔會減輕大家的工作負擔。其實...這個決定係大錯特錯！有錢多，唔應該用來請人，應該用來買野買咗佢。請人除了要花人工外，還有福利等等的東西，而且三個半月，要怎樣才能留得住人心呢？人心留不住，如何做下去？好了，給了請了個人回來，發現不是預期，又沒有想像中聽教聽話，更不是你可以接受的那一套，最終可以怎樣？

公司的equipment 爛完一件又一件，換野要錢，這非budget內所列的，最終錢從何來？炒咗個人咪有錢law...但公司制度不能炒人，那如何令那個人走？小手段少不免，但欠缺大智慧來支持，更覺低裝！

我老細由第一個決定請我已經行錯了，再用這等手段更覺手底。或許一個白痴會樂意接受，但我非絶頂聰明，但不是大白痴！這一切一切看在我眼裏，我只是一笑置之。

常說，若要人不知，唔好太低B！

反過來說，其實一切都要感謝神的安排，如果沒有這裏，我根本都不會知道自己的強項在那，自己喜歡的是什麼？想要爭什麼？怎樣去學懂如何安排budget，怎樣清budget，這一切一切都要感謝神教懂我，要我學習，要我思考，要我明白，感謝神的一切。感謝神的安排。