2023 生日加近況update

現在係夜晚一點幾，其實我應該瞓覺，但我都想寫少少update一下。

生日嗰日，我自己一個去咗海洋公園，行咗個圈，無了，好悶。。。夜晚約咗阿妹食飯，食壽司朗。再夜就返嚟同熊仔慶祝！

近日天氣好凍，我禁鬼怕凍，真係好那凍。。。。。

公司既事，放假就放假，我唔想再放假開工了，很累。

放四日假，真的放假，其他不理了。

同佢，我仲未有機會講，其實佢真係唔啱我，個人唔靚，加上又好煩。。。煩。。。唉。。

其他都無太多特別。。。只係份工好累，想轉工，暫時頂住先，搵到就轉！！！

近況update

佢青龍頭間屋終於要清走了，早幾日搵埋肥仔車野走咗一轉車，坪洲係度。。。今晚坪洲又同佢打我小報告。。。又話我唔同佢打招呼。。。又話我無禮貌。。。頂，佢幻聽定時覺失調呀，我有同佢打招呼架，唉，算啦，佢都唔係一個解決問題的人，佢只係一個制造問題的人。。。算啦，我都廢事同佢嘈，解決件事先最緊要。

早幾日我手多問塔羅，又講中咗佢想珍惜我，但又唔知大家咩關係既情況。唉，整定？

工作又有時miss咗一啲野，但都盡力去完成，好彩係月尾我狂run晒好多code出嚟，所以miss咗既job都可以好快完成，我仲同老細講聽日，但三十分鐘搞掂咗了。就快到試用期，我都唔知過唔過，問心係有啲位做得唔太好，但我都好勤力去完成了，盡咗力，無悔啦。我唔係叫無output，只係有時真係要啲時間pick up，第一次做係會有啲甩漏，第二三次會好啲，但最緊要唔好有壓力。

工作和生活都非常之煩惱，希望一切都順利。我要信順利，記得要信。

最近打風真係無咩野做，悶，居然走去開工，哈，果然工作係最好的解悶方法。

無太多野想update了，想記的盡能力去記，但太忙真係唔知仲可以講咩好了。

近況update~

 原來我忙到一段時間都無打blog了，今晚終於抽到少少時間打幾隻字，我相信都唔止幾隻字掛。。。。總會想記錄一些事情，又想去寫一點感受。

先講做野先啦，上星期忙到一個點，可能啲野新接手，好多好多問題出現，一路做，一路都面對唔少問題，要諗方法去解決，唉。。。我仲差啲準確度，好多野錯，一來有啲唔小心，二來係真係唔夠經驗，唉。。。真係擔心又嚟過，不過我會盡力去check多啲架啦，問多啲點check，我連佢啲system都唔多識用。。。加油啦。。。呢個係我唯一最唔開心的野，又係我最擔心既野。呢單野都係得我啲老友知，其他無咩人知了。我知我準確度真係差啲，我會問多啲，睇多幾次架啦。

佢個女就快飛日本了，嗰日我都未諗請半日定wfh送佢個女機，未諗掂。。。不過請半日假係會好啲既，未諗呀。佢不停幫個女安排啲farewell dinner....我都係被安排之列。。。有好有唔好啦，不過佢真係有啲煩。。。唉，唔識講。

佢同我講坪洲成日衝出嚟話幫佢做野，但成日都領野，中晒伏，領咗野又唔識處理，要佢執屎。。。唉，鬼咩。。。條友又蠢， 處理能力又差，應變又差，抗壓能力又差，我真係唔識講咩了。我唯一一樣野比佢好，就係我醒目地見到有幾多伏位，知道之後會點，唔會循出嚟柒，哈哈。我解決問題既能力都非常之高，呢個都係我優點嚟架。個個有事都會來問下我點解決，因為知我分析力強掛。

有晚我幫佢上去佢屋企搵野，佢又點咗坪洲拎返野去佢屋企，佢都同坪洲講咗我係度，正常我一個人係屋企當然係會lock閘啦，條白痴連鐘都唔試下按就用鎖匙開門。。。-.-"真係白痴，我聽到門口有聲先去望下門口。。。講真，我次次無論有無人，我都會問清楚佢，再係門口聽下有無聲，無聲我就用鎖匙開門，有聲就按鐘啦，基本禮貌嚟架。我走去開門，條白痴鎖返道門，我開唔到，講咗句頂啫，條友好話我講粗口，唔熱烈歡迎佢。屌！你禁燃慢，又禁燃蠢，係c9先頂得你順，我真係頂唔順會爆炸！真係救命。成日都話，唔好嘗試了解蠢人，真係了解不能的。

講多樣野，佢話坪洲成日做野個腦一片空白，聽一半唔聽一半。。。。我諗條友都幾大壓力搞到禁。我自己就太習慣俾人鬧了，我老豆仲鬧得毒，只要忍得住，唔好理，唔好聽，由佢，就過到關架啦~~ yeah~~~

訢完無事架啦。。。。加油呀～～～

三年了

 三年了，媽咪走咗三年了，今日係媽咪舊曆的死忌，我固意wfh中午過去拜媽咪。我諗我妹和我心情都係差唔多。去拜媽咪又喊到傻咗。。。本來想叫佢今日陪我，但最終都係唔駛佢啦，我自己陪自己好過啦，唔駛係任何人面前扮堅強。

媽咪成日都 話煮到埋嚟就食，面對好多好多問題，其實一切我都無咩把握，順期自然，可以等到幾時？我都唔知。。。所以我會為自己定咗一啲。。。目標？底線，總想為自己好一點吧。

三年前的那幾年，好似昨日發生一樣。。。媽咪的離留，她或許會帶著遺憾，但兩個女都好叻好聽話，應該可以吧。其實兩個女都好鐘意痴住阿媽。。。。真係好痴身。。。XDD

其實阿媽好識生我，我真係有啲聰明。。。八字勁多水，又係人馬座，無論點算都係聰明。我唔習慣用口問野，我習慣用觀察去搵答案。。。其實觀察加埋想像，我知好多好多野。。。唉。。。我都唔想講了，由佢啦，佢自己喜歡啦，我又唔係佢邊個，我控制唔到好多野。

七月十四

 話講話講，都八月尾，都未講到，唉。。。係我心軟定係次次想講都有太多的變數呢？又係月老的安排？

佢聽日就飛泰國了，去五日，返嚟幾日又飛突尼西亞，一去就去十日。返嚟好似係星期五。。。唔知去唔去接佢，再諗啦。不過佢泰國返嚟我應該唔去接佢了。

佢搵我幫佢執屋，我又發覺自己好似阿四，都唔係第一日架啦，原來我仲未習慣呢個阿四的生活。

昨晚我又上咗佢屋企執野，我有個習慣，執親野就想鬧人。。。執執下，佢話同坪洲上嚟，仲問我介唔介意，佢話我仲可以繼續係佢度執野，佢同坪洲係度。我唔想禁，所以我火速閃就算了，反正我返屋企都大把野搞，唔想係度見到佢哋，我唔想睇。我介唔介意？唔通我呷醋要話你知咩？我情願乜都唔知，乜都唔見。我又唔係邊位。

工作唔太忙，我開始想WFH，太累了，我個人比較累，所以想休息多啲，WFH一下。但WFH我都應該好多野做啦，習慣吧。

愛情控制不來，那努力工作吧。起碼我努力工作真的有回報的。愛情沒有回報，只有付出，我有點累了，不是有點，是很累了。我還可以支持多久？到底我還要拖到何時呢？

今日係七月十四，仲有幾日係阿媽死忌，我心情都唔太好。

打咗兩日風...

打咗兩日風，星期五全日我都只係係屋企wfh....做到隻野禁。。。頂....本來仲想約班波友去飲茶，最終都係努力係屋企工作。工作完咗就開始打風了。。。吹到傻。。。仲俾我發現有個位有少少漏水。。。好彩係好細的位，好彩發現得早，真係感恩。

佢今晚返來了，佢個女聽日就飛日本，夜要幫佢餵狗，佢又夾咗我同雄哥食飯，跟住返青龍頭執野再返九龍灣。原來佢借咗青龍頭間屋俾坪洲，佢想搵埋我上去執野，但又唔想坪洲係度，跟住坪洲串佢，佢頂返坪洲，仲嬲咗坪洲，呢下真係好好笑。坪洲又唔識做人，真係唔知可以點話佢，而呢個，唉，我真係唔識講。昨日佢又無啦啦講咗啲好奇怪的野。。。又問我係咪真係佢無人要，我就要佢。。。頂！呢個問題妳要我點答妳好？氹住妳話係，我真係講唔出口，因為呢啲說話講出呢真係好好聽，但做唔到對方係好傷心，我唔想做啲傷害佢的事。我情願讓愛退出，我都唔想佢唔開心。可能我真係好傻，又可能真係好白痴，但呢個係真正的我。

仲有一樣野我諗唔明。。。幾時先知佢無人要呢？禁啫係佢當我咩？我真係唔知，諗唔透，諗唔明。。。。我以前是冠軍，怎會慣做後備愛人....

前幾日我幫佢執野，佢同坪洲返嚟，我費事阻住佢哋，所以火速閃。佢今日講返，坪洲話我係度都無所謂，仲話我好急急腳走。。。-.-""啲人唔識做人真係我都真係唔識講咩好了。我禁鬼醒，明知佢會呷我醋，佢又幫c9整野，而啲野係緊要既，禁不如我閃先啦，反正我執野鬼禁快。。。只要忍口唔好嘈可以再快啲既....用咗十秒平衡輕重當然醒水知自己幾時需要消失啦。唉。。。呢啲人我真係唔知可以講咩好了。

有人話八字好多水的人好聰明，好醒，個腦轉得好快的。我認我係架，只係我唔需要下下通知你我知。。。所以呢，有時我識收聲既，只係人馬真係多口，多事因為心地好啫。

我幾時同佢講好呢？唉。。。我真係唔知，我都頭痛緊。。。煩緊....

頂，掛住講佢的野，原來我應該講打風的野既。

落波前約咗啲波友去食tea之後去補場執雞打波，諗住打完波就上恩恩屋企煮飯仔。。。最終我地執咗兩個鐘頭，打到八點去恩恩度煮飯仔。。。。

我以後打波或者hea打都會記得拎護膝架啦，無戴護膝打波，又痛啦，頂....我以後唔敢啦.....

又玩星盤。。。唔好八卦啦。。。

 呢個係我的上升星座

呢個係佢的上升星座...

昨晚我係佢度瞓，佢留我係度，但我成晚都瞓得唔舒服，可能因為我本身瞓覺的姿勢又唔太好，而且梳化真係會令我腰痛。。。我今朝要打波開場，所以我好早就返咗嚟了，因為要趕住開場和打波，而且想休息一下，整理一下。

今日又同佢頂咗兩句，佢又講咗點解唔選我，話次次佢講野，我都唔support佢。。。唉，原來佢叫需要人附和，唔需要意見。我比其他人睇得更廣更快，所以有人問我野，我會講到啲意見。但如果只係附和既話，我諗我自己都唔想理呢個朋友了。可能我本身讀統計，又最叻估算，所以。。。唔知，唔夠瞓，個腦很累，唔想諗野，更唔想俾反應，只想早點休息吧。

今晚佢出去同朋友食飯，又去問人地星座野，有人開佢星盤睇，話佢要搵個處女座既人，呢個人未必係處女座，十二宮應該係多處女座。。。或者上昇係。。。屌。。。。我開完我個星盤，同佢個。。。我唔知呀，唔識呀，唔想理呀，我想放棄呀。。。

話三十後睇上昇，屌，唔怪得之我禁鬼腌尖啦，唔gel頭唔出街，要整好晒啲野先安樂等等。。。完全好處女座，救命，可唔可以禁樣呀。。。唉。。。

我乜都唔知，乜都唔理，點整定都好，我控制唔到，唔想諗。

佢仲話個朋友話佢最後一個前世同佢一齊的人。我記起我面上面既酒粒，係前世的約定。成日都話有酒粒既人，係用呢樣野記住前世的記憶。係咪應該禁呢？我前世要記住的，應該得女神，䇳唔想有其他了。

by the way，我昨晚幫佢按摩，按到大脾再上啲就收手，唔敢再搞，唔好啦，我做唔出呢啲禁唔道得既野，所以收手啦，唔好亂來啦。

個腦function 唔到，想休息，真的想休息了。累。。。

條件？·

 佢昨日又同我講啲奇怪野，唔知有心定無心，我一律當佢9up算。但我總喜歡係度記得講過啲乜廢話啦。。。

佢話佢分別同佢髮型師和facial 個妹妹傾過伴侶的問題，話阿坪洲唔係佢杯茶，無論外表定係啲咩都唔係。又拎我同佢比，話我好過佢喎，係牙唔齊啫。。。仲叫我去整牙。-.-"""其實我都有諗過呢啲問題既，但好似時機總是不對吧。。。我又唔會為咗佢去搞啲乜野，第日佢話我個鼻唔夠高，我又要去整容，禁咪同玩自己有咩分別？呢單野真心痴線。

問心，佢係咪好靚？其實好多人靚過佢，我有啲同事真係靚佢好多，人地仲要性格真係好女仔呀～但我喜歡既又唔係真係喜歡一個人的外表，我喜歡係一個人的內心。如果唔係當年都唔會喜歡阿暴小姐。仲有女神，我對女神完全係感覺，由第一日喜歡佢都係感覺，even佢根本唔靚，哈哈~~

講返佢，佢成日話我呢去整完呢樣就同我一齊，唉。。。我真心聽到煩。我永遠都只係當佢9 up算，唔好認真，佢成日都係順口開河。我都係順住條路行，做好自己份工先好啲。

佢最近搵阿坪洲幫手整佢前度欠錢單野，我真係無太多時間幫佢搞啦，有人幫佢整就由佢啦，我真係很累很累。。。我只係想係工作上加油吧。認真，我真係想係工作上拎多啲野，唔知成唔成功架，但盡咗力，無悔。我喜歡現在的工作，喜歡現在的工作模式。

姑姐早兩晚搵我，話十月返嚟想搞阿嬤份遺產，我都估到下，因為都只係得二姑姐和大姑姐整到。我老豆無出世紙，跟住成日怨我大姑姐拎咗去唔俾返佢，又唔見咗，我真係聽到好討厭。如果唔係你老婆，你真係乜鬼都唔見晒，乜鬼都無啦。仲不停係度怨！大姑姐係唔好架啦，但你愈諗人地愈差，成日諗人地會拎晒阿嬤舊錢，當日係你自己on9唔拎三分一ja...我諗銀行都估到要拎遺產非常之麻煩，而且手續煩到一個點，自己又唔去先了解下再去搞，唉。。。我真係好頂佢唔順！總之一講我老豆就煩，成日要我執佢屎，我自己都大把野煩，佢唔好制造麻煩俾我啦，唔該。

阿嬤單野，我仲未搵律師。問家華完全失蹤一樣，都係唔好指意佢啦。我都係自己上網研究下搵下啦。我唔想求c9，總之我唔想欠佢任何野，我有手有腳，有能力自己解決問題的。

今晚c9問我每日夠唔夠八個鐘瞓，又問我點解禁夜瞓。我諗有部份因為習慣，二來係我多野搞掛。好似今晚仲要幫佢過晒佢ex部機既野走，唉。。。有排搞，我又唔想分兩日搞。。。佢又夾我聽日唔打波去陪佢，唉。。。我仲要買餸，我妹又要指意我，唉，我煩到一個點，我唯有hea煮啦。。。唯有係禁啦。我聽日都唔知點死，簽完場走。。。可能打一陣，返嚟放低野先過海搵佢掛。聽日2+2場，又唔夠24個鐘，我都唔知點搵人頂啦，真係頭都痛呀，總之就煩啦。。。都係自己攞嚟既，唔係同佢一齊，但又要就晒佢，都唔知為乜。中咗降頭？哈哈，可能真係前世欠咗佢架。

我又衰多口答應佢個女十月頭幫佢餵狗，唉。。。我既計劃又。。卡住。。。想點。。。

其實一早計劃好幾時講清楚，日子都大約定好了，但內容仲要諗一諗，因為都仲有啲變數，呢啲變數真係關鍵，煩到一個點。。。很累，想解決，但未解決。如果阿慧出手就好啦。哈哈，七月呀，係咪真係會出手出現架？

仲有樣野，原來佢同人哋一齊六年都根本唔清楚人哋既習慣，用咩password等既野。。。我妹其實都知知地我既password，佢唔知點解，但係呢個我用咗好多好多年，間中有俾過ac 朋友時，朋友會知。但其實唔難估，唔係生日日期，更加唔關我媽事，係一啲習慣掛。

又病。。。一個月病兩次，咩玩法

又到八月，話禁快八月就過咗半個月了，離八月尾仲有半個月。呢半個月仲有咩事發生？我真係唔知，我只係知佢八月十九號晚分手，話想我陪佢喎。。。堅定流？呢刻我仲信有，但下一刻佢隨時改變。

其實我好想同佢傾，但我知我要等佢搞好呢單野先同佢傾。。。我應該要迫佢，八月尾去講？定幾時去講？八月係一個好時間，但真心要諗清楚點傾好。每次想切既時候，都總係有啲野拖住，總係甩唔走。我每次想推開佢，總係有啲野推唔開。。。唉。。。係月老安排定係整定？

我借咗個名借咗啲戶口俾佢入數，放住啲錢係我度。有外幣有港紙。佢仲話你唔好呃我呀。我從來唔呃人既，我媽教識我善良，我選擇善良。我媽啲錢放到全屋都係，我同阿妹兩個都從來幾蚊都唔會拎既，所以媽咪信任我哋放晒啲野係我哋度，知道我地唔會拎佢啲野。佢情願信我地都唔信佢老公，因為佢老公呃得佢太透了。我阿嬤有時會懷疑我呃佢，放咗十萬蚊係我度，以為我會駛晒，成日會講。媽咪清楚我性格，知我一定唔會，我真係唔會。。。。但我阿嬤成日禁講，阿媽成日話，換著係佢，掟返俾阿嬤。當然我無禁做啦～我脾氣都幾好架。到今時今日，阿嬤舊錢我都係無郁過，阿嬤成日話俾咗我。。。我都係鐘意儲錢多過駛錢既。

錢係萬惡之源。我對錢真係夠就算了，唔會想去要多啲，當然多啲係好，但唔係必要。要明白，有啲野係錢買唔到的。所以要珍惜現在所擁有的。

講起佢，有朋友問我佢有幾多優點，有幾多缺點？最頂唔順既缺點係乜？其實佢都幾多缺點，佢的缺點我都習慣了，優點都係我欣賞的。但我單方面無用架，要雙方面，我唔想勉強佢，我知佢從來都好介意我好多野，所以我唯有放手，祝福佢。我知道呢個可能係我呢一世人最後的機會，我今次放棄，可能以後都唔會有，但為咗佢幸福，我願意的。有咩難處，我頂!

其實我好多方面都想保護佢，想佢平安，想佢好，想為佢。所以我唔太介意佢呃我，佢蝦我，由佢啦，佢開心就夠啦。

我同佢之間仲有好多野拖住，我都仲諗緊點算點處理好。。。煩。。。未諗到。。。仲有少少時間諗。

病咗好幾日，今日叫做有啲精神，可以整下野，打下blog。一個月病兩次，咩玩法。。。而佢就中covid。。。我唔敢突然去搵佢呀，佢又唔駛我照顧。。。所以。。。由佢啦，等佢自己諗，需要我就話我知囉。。。。

新工幾好，我係有時偷懶，但同事未transfer 晒啲野俾我，我真係好難搞喎。唯有改下code，fix下野，等啲野run好啲啦之類啦。我盡我能力做啦，我都想快啲pick up晒啲野呀。

新工

 終於搵到新工了，返咗兩日，都幾習慣，係食唔習慣，因為附近無M記，所以要帶飯啦，諗下食咩啦，最壞打算係唔食野啫，又唔係唔習慣唔食野，但呢個美食沙漠真係。。。。

外資好多都差唔多，最緊要係自由，真係好自由，福利唔差既，但得既野唔係多掛，anyway，工作環境解決咗，工作既area又係新，要加油啊，同事都ok呀，我感到我會喜歡沉醉係工作中。

呢兩日我啲同事和老細講開我上手，返咗一星期，喊住走人。。。嚇死人。啲野唔算真係好深，都係一理通，百理明，講到好深禁講返出嚟就無可能架啦，除非我背書好叻啦，但講返出嚟少少既話，我講到既。。。呢度真係好多好多野玩，好多新的野，我感覺到興奮，好好玩禁，啲人好叻，好正呀。

呢期佢少咗搵我，次次都係打嚟講完兩句就話遲啲搵我，我都費事再理佢了，由佢啦，唔知佢搞乜，我只係諗自己應該要做乜野和自己想做咩。

之前決定咗搵到工或者八月會同佢講清楚，我搵到工架啦，或者等到八月左右啦，點講都諗好晒架啦，俾返條鎖匙佢，仲有俾返啲野佢。

其實佢呢期都幾煩，個仔要錢考牌，個女又準備去日本讀書，律師又要佢俾多七皮野，之前佢幫人哋auto pay條友又消失咗，唔俾返錢佢，佢真係為錢好煩了。由佢去開証卷戶口開始，我估佢會跟阿坪洲炒指，禁我祝佢好運先。我天生無呢啲投機命，所以我好少玩投機野，所以。。。

本性難移

今日同阿Sam傾起佢既事，或許是我自作多情掛。。。阿Sam都叫我問多佢最後一次，唔得就走啦，拜拜啦。得再諗。其實我都知個成功率有幾高，直頭低啦，我知既，不過我都係最後享受埋呢啲時刻啦，係時候要面對了。

明天去大陸玩兩日，阿mi姐都問我點解禁勇。係既，我係想開工前去玩的。飛唔到，就去大陸玩下囉。執行李執到唔係好記得自己應該執乜鬼野，真係完全失憶禁，勁呀。

今晚佢講師姐和師兄既事。故事講到。。。其實師姐係我哥既前任，之前講到結婚，但最終又無那個。師姐同師兄一齊十一年，原來當中有四個男人了。今日師兄搵佢訴。我諗起我。。。我明白師兄的痛，我明白佢望住師姐同那個人一齊的絕望。我同師兄都唔係佢那種人，佢一定會係去質問既人，一定去爆既人，而我係會忍既人。其實講真，女人，一次係禁，兩次係禁，第三次都仲會係禁！

 

想當年俾我發現佢第一次同人flirt，我無出聲，最後tracy知我知，同佢講，佢講晒唔會再會禁。第二次係佢同個大陸仔，嗰次佢知我知，又同我講唔會。第三次咪同個月囉，我問佢，佢又係話唔係，最後咪一齊咗囉。妖！有得一次，就有第二次，再有第三次。第三次我都忍你，我真係唔係人！所以最後咪分手囉。

我好記得當年分手，阿勤講咗句，話暴小姐同佢都係同一類人，我忍唔住佢，你諗下你應唔應該忍佢！因為阿勤呢句，所以我放手了。我真係頂唔順阿勤嗰啲見一個愛一個，我唔得，頂唔到。所以做朋友都勉強可以，但女朋友，真係唔得。

我同佢既關係在倒數，我只希望佢幸福快樂。我放手了。

最佳位置？

 今晚未瞓，不如寫下今日發生的事。

今日又幫佢做阿四。。。唉，算啦，反正係我自己都無咩所謂。。。之後約咗佢陪佢去師姐度按摩。陪佢坐巴士去，係巴士上，佢又同坪洲講電話。事緣係坪洲問佢放工未，係咪入緊師姐度等等，小姐唔高興，打電話去屌佢，條友講野都幾串，我坐係度唔出聲笑。但我feel到佢真係唔絕情的。

我感覺到坪洲想管佢，想試探佢係咪自己一個人。我感受到佢想攻占佢的心或者生活。但佢又唔想俾人管，唔想俾人攻占佢的生活，佢聲稱佢覺得見到都討厭。我全程無出聲，我看在眼內，我都唔鐘意去知禁多野既，我只係做佢既listener。我估佢對對方曾經諗過，但似乎真係唔得。佢終於講我知坪洲真係以炒為生，所以做freelance和炒使生活費。以炒都夠交租等等。但佢係傳統的女人，唔會覺得呢啲係安穩係呢種。佢係我媽既諗法，所以佢有啲野真係吸引我的。佢的諗法同我媽好似，由其是諗將來安穩的野。我做到我媽要求的一半，有層樓，係阿媽幫我的，我有阿媽教我的能力去儲錢做儲備，計算自己幾耐無野做，供到樓，生活到之類。識點用最底風險投資等等。都係阿媽教的。或者我呢樣野比坪洲好吧。

佢講到自己好嬲坪洲話我係二打六，話佢俾個二打六做都唔俾佢做。哈哈。我知佢搵坪洲做架，不過佢俾邊個做咪邊個囉，我又唔會呷醋既，有呷既，不過我唔會表現出嚟，呢個係我既特點。暴小姐知呢樣野，不過都係好耐之後佢啲朋友講佢先知。我唔鐘意我唔會出聲既，但係心入面囉。

我知我有時都會呷佢醋，但我又唔想做到太出面。講到尾，我同佢乜關係都無，又唔係佢邊個，我無得呷醋啦。

佢又叫我去補鐘練返手車啦，幫佢揸車喎。我諗我都係時候諗諗去練架啦。。。應該啦。。。唔係揸佢架車，係去自架遊日本呀。仲有加拿大等等。

佢有講過，如果我又無另一半，佢又無另一半，將來會互相扶持喎。我想講。。。我唔想囉，我都係為自己好啫。佢得一想二，我只想佢幸福。

七月返新工？

 其實之前我都feel到我七月會返新工，但唔知新工係乜。估唔到南洋一見就請，啱唔啱？我只係覺得有啲伏，又係中資。。。唉，其實我堅唔鐘意做中資，不過佢開36俾我，我都係做住先，因為無其他請。AXA仲有兩round interview，對方都ok鐘意我既，只係拖得有啲時間啫。我自己幾喜歡佢的工作mode，自由啲，又係外資，係遠少少，但係佢真心feel。feel到我願意幾時開工都得。只要你唔管我，我點都得既。

我個人都幾愛自由，真係好愛自由，唔想俾人管，但內心又想有人管。不過咩都限制我，我會唔鐘意。其實好矛盾，我都知。

今日去完迪士尼，有點累，所以唔寫太多太長了，只記一些重點。

今日佢同我講，佢爆咗坪洲一野，一來因為煩，二來係因為坪洲呷醋，話我係二打六，搞到佢著咗。。。。我唔太介意別人話我既，把口係人哋度，人哋鐘意講咩就講咩，我自己知自己係唔係就夠啦。個個都要介意，我真係好唔得閒架。不過我真心感謝佢為我出頭既。但佢今晚又講一句，話我哋無拖拍，要雙依為命，佢要搵我揸佢架車車佢喎。我都講，邊個架車我都夠膽揸，係佢架我真係唔夠膽揸。因為知佢性格，所以更加唔敢。

唉。。。對住佢我真心有啲煩，但順期自然先。眼前見到自己個限期都快到架啦，要加油啊。

我希望AXA真係快啲請我啦，佢開到offer唔太差我都應該會ok既。我真心想要WFH呀。

新。幪面超人

又有新幪面超人作品上了，本身無諗過去睇，早排有朋友問開，又睇到啲介紹，又加上有少少時間，所以就去睇了。睇完我又想寫下感受。

我都好耐無睇幪面超人的電影了，之前睇好似係上年朋友有兩張免費飛，所以去睇咗新的幪面超人，新到我完全唔記得名，只覺得唔好睇，好似做俾小朋友睇禁。其實近代的幪面超人都係為咗玩具而寫的，無限禁多的變身器，完全數唔到禁多個幪面超人，啲劇情煩到一個點。。。。睇到近呢三年，我終於都無再追了，完全係鬧劇一樣。

不如講返呢套新。幪面超人。一號的故事，我無咩點睇過，我都係由Black年代開始睇。但早代幪面超人都係以英雄片為主，一個主角，打怪人，要保護地球，要打倒邪惡組織。主角幪面超人係改做人，跟住逃走出去，大部份故事都係禁結構。而絕招更加單一，Rider Kick，完了。呢啲禁簡單的故事，近代無晒了。。。我實在睇到頭痛，完全唔想再追落去睇了。

今集的電影都比較簡單，有幾個代表的怪人，打敗咗嗰幾個怪人就完了。總數有五個怪人，有交代二號的出現，有交代點解會出現。打鬥的過程好睇，簡單直接，仲要有幾下噴血真係o晒咀。整體來講，佢跟返原先既版本，有好多新的鏡頭，新的設定，作為Rider 迷，真係好喜歡，值得入去睇的。

講返點解鐘意拉打，我諗今套電影，完完全全可以話到俾我知道點解。本鄉猛係一個好善良的人，有正義感，呢一切就係幪面超人的基本。善良係一個選擇，你可以選擇唔善良，可以用計去設計人地，但如果你選擇善良，請保留住呢份善良和正義感。我有呢份善良和正義感，都係因為幪面超人。一號的善良和二號的高傲好唔同，但二號被一號的善良和正義感感動。

成套電影，我喜歡一號，我也喜歡女主角，雖然沒有感情戲，但係他們的感情，好好睇，平淡也感到他們的愛。感動。

我期待有下集，但相信難啲，因為票房麻麻。

人馬座

 有星座分析講過，人馬座喜歡自虐，喜歡將自己放到最後，總係會讓人地。

有朋友問我，我係咪真係好憎自己呢？硬係要虐待自己。一時時啦。。。我知既，我總係會將自己放到最後，愛的人開心快樂就夠了，自己好似無諗過自己禁。睇咩人啦。。。

不如講返點解禁講啦，其實都係因為我一直都係為佢諗，為佢著想，想佢開心，想佢幸福，但無諗過自己的需要。自己想同佢一齊，想照顧佢，想愛佢，想錫佢，但現實係。。。我唔想勉強人地，我情願受苦的係我。呢個係我的性格，都係我的優點。有時我會預時間俾佢，但最終呢？佢根本諗都無諗過我，禁我做咩仲要預時間俾佢？唉。。。唔知，我都諗唔掂，都係等神的安排啦，我完全諗唔掂。我只係知我既決定，我想放手，我唔想迫佢，唔想勉強佢，但我都要個出口的。

講完佢，不如講下呢兩日見到的野。我見到我啲朋友好似想試下我同另一個朋友有無可能。我曾經諗過既，但我睇完八字後，我feel到應該唔係，但如果啱，都可能試下既。但心入面有個人，點樣可以有第個呢？唉。。。

昨日見咗中信，估計有七八成，但其實我唔鐘意，因為中資，加上好多大陸的文化，我實在頂唔緊。。。唉，不過請就做住先再搵，真心啲大陸文化真係好難頂。我又開始睇下啲pmp野，原來我呢幾年都係做pm既野多，我都應該要諗下係咪係呢方面發展呢？寫code寫唔到一世，係時候諗諗之後應該點了。

選擇從來不易，但記住不後悔

 今晚又想寫下日記，雖然我都係需要諗諗準備一下明天interview既野了。

昨晚瞓唔著，又有啲野諗。成日都話病完，自己個腦會更加清晰，更加知自己想要咩。早幾日慢慢摸到自己係工作上想要乜野。係coding既領域，都係要時間再去慢慢學，近期都學python，學咗一啲，應該啱用的。解決咗一啲問題，總算有啲成果，之後落嚟就係要慢慢學得深入啲既野了，加油！本身技巧應該問題都不大，但小問題都係要解決的。

又講下愛情。六年前點解我會離開，我其實都講過幾次，我知佢太依賴我，有我佢好難搵到一個佢想要的人，所以我離開，佢唔再依賴我，佢可以搵到一個佢想要的人。而且由此至終，我既外在條件都唔係佢想要的，我又唔夠高，又唔夠白，又係b，又唔夠靚，牙又唔齊，根本樣樣都唔係佢想要的，所以我知佢從來都介意，介意我俾佢啲朋友見到，介意帶我出去，介意同我影相，我知的。我唔係蠢，我心水清的，好多野我唔講唔代表我唔知，只係我唔想講啫。所以當年我的離開，做就今日的佢。當年有無後悔離開？無！只係估唔到佢個ex對佢唔好啫。。。仲以為佢兩個會結婚。當然聽到佢結婚我會心痛，但呢個係我的選擇，我都要接受我的選擇。最近我又開始諗呢個問題，由九月到現在，都九個月啦，又係時候諗清楚自己想點啦。繼續做兵，做工具？定係再次離開佢？

我知我鐘意佢，我愛佢的，佢係咪一個我想要的人？我想要的人係怎樣？其實我想要一個善良的人，我唔需要佢好靚，但我需要對佢有感覺。佢簡單就最好啦。我想我既另一半係俾到安全感我的，佢要令我放心的，我錫佢，佢都錫我，佢需要我。我知我想要咩，佢想要咩我都知，但外在做唔到，內在我真心唔知。但最少一樣野我知既，我選擇善良，我可以好多古或野，只係我唔做啫。其實我係打波時知自己既本性，我可以設晒局俾人，但平時我會選擇唔去做啫。

one more things....我記得好多好多年前同佢同成班人食飯，當年有個女仔我睇上眼既，但返嚟佢就講到人地一文不值。。。早排我同另一啲朋友食飯，佢又講到人地呢。。。頂，雖然我都知個個都係唔得架啦，但都唔駛第一句就講人地點唔得既。之前同佢出去同成班人玩食飯，又有野講人地，唉。。。點解次次都係我同人地出去食飯就講人地點點點。。。到底佢咩心態？呢下我真心唔明白。佢啲朋友我從來都無評過，仲想推佢走tim...唉。。。佢係咪對我有野，佢自己唔知呀？根本呷醋。。。我認我係呷醋架。以我實力，殺波殺到位既，唔係100%都有七八成，離唔得遠架啦。。。所以嗰日我係有追住殺既。。。係有心既。。。而且我啲殺波唔係平飛既，我真係有角度，有力量既，力量真係睇咩拍啦。。。。

anyway，我決定咗，我返新工或者八月尾或者佢同佢ex單野搞掂晒，我就會同佢講清楚。我知道個結果係完結。我唔敢抱希望佢會想我留低，我唔敢諗佢會留我，因為我知佢從來只當我朋友。但朋友。。。真係過晒火啦，朋友唔係工具，唔會點個朋友做晒禁多禁多野，朋友唔會係幫你做完野，仲俾你丙。。。話你做得唔好，又話俾你激死佢。。。朋友唔係禁架。。。

好明顯係我頂唔順啦...內心頂唔順。。。成日諗住留時間俾佢，最終再諗多下，我無理由要留俾妳，妳係邊位？加上佢最近啲。。你知我要咩架啦，你知我鐘意咩架啦。。。-.-"""我同妳無咩關係架ja...點解我會知架？朋友ja...又係妳講架....成日要我做咩做咩就扮晒野....

問心，佢唔係真係禁靚，只係唔差。我知佢同啲男人，成日想要著數，我見到既，唔出聲，所以由佢，我知佢無野既。

選擇從來都唔容易，我明的，我會記住自己唔可以後悔。或許佢會係我命中注定的一個，但我明白如果呢刻我放棄，我會孤獨終老。我明既，我知既，我了解的。我有心理準備了。或許我無禁長命呢.....我知道我失去佢係咩感覺，我多謝佢呢九個月俾我的快樂和感動，但總要move on既，時間唔等人，我知道有啲問題係需要解決的。加油呀！

其實自己一個人，又有咩可怕呢。。。

寫日記

不如今日寫下日記。。。

失業咗個幾月，時間好似過得好快，一直都係有得見，但一路都見唔成，無咩idea有咩原因，可能價錢問題掛，唔知，我都半佛系。。。。

足足病咗兩星期。。。上星期病得無禁嚴重，今個星期真係病得好重，不停有啲燒，食咗退燒藥就好啲，不停出汗。。。個鼻不停流鼻水。。。想死。。。好彩無咩咳，希望快啲好返啦，應該差唔多了。望就禁望啦。。。。

病的日子，我唔太敢出街，唔想傳染俾人，由其是朋友，有啲不停飛的人，最唔想傳染俾佢，希望佢健健康康，佢去到禁遠，無人照顧佢，好慘的。

病咗幾日，我感到自己有啲腦霧，唔記得啲字點寫，無咩精神，要用腦的野好似力不從心，打波又唔夠氣，真係要保重。

病後開始有啲精神，開始有啲問題要思考了。工作和感情。。。感情我真係控制唔到，但都想訴兩句啦。。。講下工作先，我想搵份點既工？除咗人工之外，我想要咩？我其實想學python，呢期我自己都學緊，無咩精神，盡力吧，好彩有啲好朋友俾咗啲notes我，可以自己再望下研究下。

愛情。。。又講返同一個問題，我想要咩？我期望想要得到啲咩？我需要咩？我問咗自己好耐，我都得唔到呢啲問題的答案，可能因為我已經去到無欲無求了。我想有人關心我，我想有人了解我，我想有人愛我，或許我係佢心中唔會係最重要的位置，但我想係佢心中有個重要的位置。

嗰日病到傻下傻下，等佢做完野俾野我，等咗兩日，最終我都係頂唔順係啲公海訴咗兩句，谷友話我係工具人。。。其實係，佢有需要人幫，就搵我，連自己的工作都要我幫佢做，點解要係我。。。唉。。。真係頂佢唔順，到底佢想點？朋友係咪要做到禁？明明啲野係佢既，佢應該緊張的，但點解最終緊張的係我？其實我都病到九彩，叫佢自己望清楚份野，又唔睇，求其望完就算，有時就打個電話嚟丙我。。。呢啲算係乜？我真心唔明。。。。唉。。。鬼叫自己鐘意佢。。。但鐘意佢啫，係咪下下都需要禁就晒佢呢？佢無咗我，都可以生活，都一樣係禁生活，可能無咗我，佢會快啲搵到下一個呢。

其實禁多年，佢從來都介意我同佢一齊行，介意我，唔會想佢啲朋友見到我。其實心水清的我，無咩可能會唔知。禁多年，我觀察到的，我唔講唔代表我唔知，只係我唔想講出嚟啫。我個人比較大量，唔會亂禁講出嚟。我真係好累，心很累。。。真的，六年前，因為太累，我放手了。到今日，又行返一樣的位置，來來回回，我想對佢好，但得返嚟既呢？都係一樣。真心想坐低傾下既，但我知唔係時候，仲要等多陣？我知有人對佢好的，我成日都推佢走，佢係都唔走，唉。。。人地幾好吖，租埋間屋，租埋間房俾佢放野。。。我見到既係risk...我真係唔敢講，講得太多佢唔鐘意，唉。。。我諗佢真係要跌過痛過先識死既。。。由佢啦，反正死的不是我。。。

唔講愛情了，唔講工作了。。。最近我終於出手去搵阿嫲既遺產了，我知難，但我都想搞，我知件事都幾麻煩。。。。盡力啦。。。。

其實有無人知我呢個私人位置？可能未必有人知，又可能有人知，anyway，我只係想搵個出口，講我想講的野，我唔出名，大家估下乜水打乜水啦～XDD

講多樣。。。呢幾晚睇套綜藝節目，講初戀。。。有好多回憶，當中有個問題係如果再相遇，你會點？我。。。我會扮無野，但其實心中一定仲會有條刺！再講如果佢約你食飯，你去唔去？我一定唔會去。。。中過一次，我唔會再中第二次架啦！！！我有少少後悔點解要理佢，係整定？定係根本係我心軟。。。唉，唔知。。。係佢啫，如果係暴，我一定唔會出啦，禁嚇人，我真心仲驚佢，真係怕咗佢。。。。

善良係選擇

其實我幾喜歡聽一啲心理學的課題。剛剛聽到一個topic，善良係選擇。回想返自己的性格，我本性善良的，只係有點小聰明，如果本身選擇不是善良的話，可能已經壞到不得了。

有時我都真係唔明，點解有啲人搵好多錢，但其實真係一個仆街嚟既呢？好多人都身居要職，但做埋啲野真係好難睇。。。我唔明。。。好多野唔明，或者我從來都唔想係禁，所以唔明，更加唔想係禁，所以我選擇簡單，我選擇善良。

其實人有好多選擇，有啲人會選擇平凡地過日子，有啲人會選擇去爭取高位。而我只想快樂。。。

大頭陸衣鬥疆屍

 cctvb最近播返呢套三十年前阿mi的舊作，而我呢。。。其實晚晚都有追。好睇，故事寫得好多，阿mi做得好好，雖然三十年前的作品，但故仔真係寫得好好，好正。

講個故仔先，有少少老土既，講個男仔愛上一個女鬼，個女鬼又好為個男仔著想，到個女鬼投咗胎，個男仔根本等唔到佢，因為變咗男仔。原來女鬼個妹一直都鐘意個男仔，但佢明知個男仔唔愛佢，佢唯有放棄，祝福個男仔。為咗呢個男仔，佢做乜都願意，最後為呢個男仔死。呢個女仔遇到另一個好鐘意佢既另一個男仔，但呢個女仔唔鐘意呢個男仔，而呢個男仔又為咗呢個女仔做咗好多野，男仔雖然無咩可以做，唯有係女仔身邊守候呢個女仔，去幫呢個女仔，去陪呢個女仔。結局係點？咪個男仔幾十歲後同個女仔一齊囉。

其實飄紅和福中玉都係同一類人，鐘意人地，會講既，但唔想勉強。對方有需要，會幫手既。都知對方唔鐘意自己，勉強無幸福，所以會無奈放棄。但付出的，根本無人知，對方都唔會知。

呢啲係咪好面善呢？其實係，好多人都會禁。最終係咪好似飄紅禁，有好結果？故事個結尾永遠都係美好的，但現實應該唔會係禁架啦。。。

慢慢享受呢套劇啦，得廿集，個個都做得好好，我睇得好開心呀~~~

tru Nigen

 之前聽朋友講，買tru Nigen試，話可以逆齡、抗衰老、修復細胞DNA 、改善睡眠令您更精神有活力、激活腦細胞及記憶力!

結論係點？唔啱我食囉。。。。我食完心跳，我好肯定佢個咖啡因都好勁。。。加上我食完完全無佢講既野，反而有點抑鬱，呢個係咖啡因的後遺症，所以。。。要停，點都要停。好啦停咗一段時間，剛剛阿妹講起，我話不如俾佢試下，我真係唔得，佢話好呀。我搵咗出嚟，昨日食咗一粒，跟住又嚟了，又抑鬱，唉。。。我盡力頂住，但有時真係難啲。。。抑鬱堅煩。。。暫時只能等時間過去。。。。

其實我一向都有食supplement 既習慣，食唔少的野，都只係希望身體健康啫，無其他了。不過我多數都係選擇美加藥廠出的product，有信心啲ma....

呢期未搵到工，主要都係個fd度打波，幫佢開場睇場。。。佢唔夠人，就盡力幫佢頂，其實係我太悶，又或者係我唔開心掛。。。

昨日瘋狂俾佢鬧，話我幫佢做野甩漏。講真。。。點解我要幫佢做？我成日都諗呢個問題，十年都無變，點解要係我？明明好多都係自己的責任，但就推俾人哋幫你去做，跟住人哋叫你去睇，又唔去睇就送咗出去，真係天才。。。。

阿媽細細個就教我地唔好假手於人，自己責任要自己做返，人地幫你做，你都要睇下先交出去。所以我同阿妹都好少搵人幫手做晒啲野，點都會自己做返，就算搞唔掂，都係兩姐妹諗咗佢，自己研究自己整咗佢。。。所以我地真心唔明。。。唉。。。其實我哋係咪真係唔夾呢？好似真係唔夾。。。唔夾。。。

最近發現我的經歷同個朋友的經歷好似，由其係阿媽和阿嫲的離去的時間差唔多。。。個朋友都幾好傾，但我諗人哋唔係掛。。。應該唔係。佢本身唔靚，係朋友的好朋友，應該無野既。。。無野既。。。。

話說今晚打波，我俾個波友打中，個咀流晒血，爆晒。。。我仲喊得好勁，嚇親人。。。我知，除咗因為痛之外，仲因為抑鬱。。。之後食野如果唔啱位，真係堅痛。。。我諗呢兩日食野都真係要小心啲架啦。。。無計啦。。。。受傷總要休息下。今晚狀態麻麻，因為昨晚打咗三個半鐘呀，七點打到十一點。。。要幫人頂9-11，自己又打7-9，又要開場，又要收錢，我從來唔假手於人的。。。所以累死了...

加油呀，明天會更好的，要有正向，要正面，要頂住呀！

終於離開一個地獄了

 好耐update呢度了，係時候update一下近況，雖然竹找寫完都唔會有人睇到架啦。。。。

終於離開咗一個地獄了，點解叫做地獄？個老細兩三星期完全無同過你講野，下下都係背後插你兩野，呢個係乜野既工作環境？真係好累。。。佢既上司不停為佢護航，我都唔想再講了。我都有感覺既，第二身第三身既感覺我唔知啦。。。不過都係算啦，都過咗去了，起碼身邊所有的同事都為我不值，我哋都係只能祝福佢啦，其他我什麼都不知道。係唔捨得未完既project，和埋身邊既其他同事，不過工作的野，真係唔好有任何留戀。心很累，真的需要休息。

最終我的散水禮物都係自己制作的擴香石，幾好呀。

雖然都仲未搵到工，馬會無消息，其他都無消息，要等？唔知呀，我盡我能力啦，我都好難估計和好難可以預到。希望有好的轉機吧。我喜歡馬會的工作，但無second in我都真係無計，唯有再搵啦，無緣真係無辦法。

佢開始帶團了，第一團係五日台灣。我都好少搵佢，最終問佢要唔要接機，佢話好，就去接佢了。但有說話聽。。。話佢前度係佢出團時會送佢，又會接佢。。揸佢架車喎。。。我邊夠膽揸佢架車呀！一陣整花我真係十修命都唔夠死啦。。。頂。。。我唔揸呀，叫的士啦！其實佢最近係煩緊搵律師覆前度單野，前度出律師信叫佢搬走，又唔提還錢，佢搵律師回佢。。總之就係煩。。。唉，又係呢啲野。。。佢一遇到呢啲野，就會好煩。。我見到佢都煩，有時間就陪下佢。。。所以第二日就陪佢。。。陪佢去做物理治療，係門口等佢。。。陪佢做facial...係樓下搵地方行住等。。。陪佢捐血。。。搵地方hea...跟住有人搵佢，我醒水啦，佢去foodcourt食野，我唔會啦，佢一向都唔鐘意俾人見到我既。。。我當然係醒水，搵個老遠既地方食啦，反正食野我都係求有野放入口，有野落胃，飽咗，完。最終又係陪佢去整塊面。。。跟住我走先。。。去買榴槤再去打波。。。打完波趕過去九龍灣陪佢食。。。唉。。。我知我竉壞咗佢，竉到佢成個公主禁。。。。

識咗佢十年，鐘意咗佢十年。。其實都有，但我知佢嫌棄我好多野，都係啲外在條件，我唔會做得到的，所以唉。。。陪完佢過咗呢個時間，佢搵到第個，我會走架啦，或者佢未搵到第個，我都做走架啦，我唔想再阻住佢，佢成日痴住我，佢唔會搵到個新架啦。雖然ami之前講我另一半的野，佢全部都中，但我知佢唔會鐘意我，所以我都唔想迫佢，更加唔想勉強。佢有佢要求，佢有佢想的，而我。。。我放棄了。。。。愛情，我真的無能為力，個個都十年，我仲可以有幾多個十年？女神禁多年我都仲係鐘意佢，下個係佢，之前暴小姐係好，但唔係嗰種感覺囉。

佢係台灣的旅程問我要咩手信，我話我想要的手信係想你健康平安。真心的，我只係想佢平安。。。手信有無我都無咩所謂，我都無欲無求既。其實我都有的要求的，只係我個人太無咩所謂啫。

其實佢要啲好聰明的人，但聰明的人可能會好多鬼計，好假？so far佢啲前度都係好叻好聰明的人，但有啲性格奇怪火爆，有啲係將真面目收到好埋的人。而我。。。好似兩樣都唔係。。。我係聰明，但品性善良，當年好彩信神，如果唔係都係壞咗了。我好細個就讀天主教學校，好乖，好純，其實個人聰明古或，但壞極有限，阿媽教得好，阿嬤都教得好，所以唔會害人，情願自己受。

今晚佢個女話去日本讀書，佢真係辛苦，一生兒女債。記得當年我升唔到中六，媽咪有問我，去唔去加拿大讀書？媽咪有錢可以供我去外國讀書啊。我諗諗下，唔想媽咪駛禁多錢供我，更加唔捨得阿嬤。。。所以我同媽咪講唔駛了，之後好好彩，HD收咗我，我知我叻既。之後讀大學，我都有問過下媽咪的意見，大學的所有錢都係我自己俾的。其實好細個都知媽咪爸爸搵錢辛苦，會學識唔好駛禁多，我同阿妹兩姐妹都係，應駛則駛，呢啲都係媽咪教的。

今晚仲有個小插曲，佢話我好話佢個女讀既野無用。。。我O晒咀。。。我一句都無講過。。。而且我性格唔會講呢啲啦。。。傻既咩，我只係講咗句，叫佢努力加油，個女讀書唔平啊。有無用，真係無人知，佢只係不停追問個女係咪AI野，係咪讀AI既野，有無用等等。。。我知都唔敢講得太多，我只係覺得個女鐘意讀乜咪乜囉，有無用，搵唔搵到錢，真係估唔到架喎。當年我選科，我媽都無咩俾意見，只要我鐘意，阿妹都係，阿妹有問我，我都有俾少少意見，但最終都係我地鐘意。可以講媽咪係竉壞我既，係真的，但放手俾我地成長，就算跌，起返身會更加堅強，呢樣係我地真正學到的野。媽咪先係最叻，識得教我地，無論做人定係做野都係。

我只係想做個簡單的人，唔想計來計去，真的很累。。。。

花椒之味

 viutv播花椒之味，終於睇咗了，喊死人了～

故事講老豆走咗，大女係靈堂終於見到自己的兩個妹妹，兩個妹妹的性格都各有不同，以為三姐妹會因為禁而嘈，反而無，一切來得平淡，大家相處好好，好開心，仲一齊去搵老豆火鍋的秘方，原來係紅酒，原來係二妹的媽媽係最愛，中港台三地的合拍片，好好睇，搞到我又想買返嚟再睇。。。

今年唔知阿mi有無機會拎奬，不過花椒真係差少少，同落水流花比，係真係差少少，所以今次拎奬的機會都好大。

我喜歡呢套電影，內客係好感動，好有共鳴，因為。。。人總會有親人離去，不要留下遺憾，想講的早啲講，唔好等人走咗先講。我對阿嬤沒太多遺憾，自問所有都做晒了，而媽媽，遺憾無能力同佢周圍去看世界，想去新加坡，成日話七十先去，估唔到媽咪過唔到七十。

呢套戲我會再睇，都會再喊。。。。

good bye 卡樂B 婆婆

我都好耐無去過白事了，仲要自己一個去，乜人都唔識。。。其實第一日知卡樂b婆婆走，我第一個諗法都係想去送佢最後一程，無論點忙都會去，最終今日真係有去到，但我無同老豆同阿妹講，費事佢哋禁多野講。

去到見到卡樂b婆婆張相好慈祥，我有介紹我係見姑個孫，如果說我唔係禁講，我真係驚無人識我呀。。。原來唔係既。。。都有人知我係阿均個大女，一講呢個point就知我乜水了。。。卡樂b婆婆一家其實同我屋企好熟，只係老豆唔想通知人哋啫，人哋知都會嚟既。算啦，什麼都過去了，阿媽有家教，教得我地好好，做好自己本分就算了。啲姨姨都有問我媽咪點，一講阿嬤二零二零年走咗，阿媽九月又走埋，我不禁又喊起來了，我知我喊點實在太底了。。。我都知，如果我媽未走，我媽都會同我一齊去送卡樂b婆婆的，雖然我知佢同有順有啲心病，不過都過咗去了，我地都係尊重老人家吧。

最後佢地叫我問候我老豆，話大女同三女問候佢。仲知卡樂b婆婆會放係屯門念恩寺？今晚仲有個點。。。原來佢地無幫卡樂b婆婆準備麻雀，我提一提佢地，最終立即去準備。。。

卡樂b婆婆，一路好走，記得搵埋阿嬤去打麻雀啦，阿嬤有麻雀架，仲有妹仔架~~~

bonus

今朝一大清早check 戶口，無啦啦多咗二千幾蚊，諗爆頭都唔知乜鬼嚟，仲寫明係人工。。。大佬呀，唔好嚇我好嗎？返到公司，問同事，原來出咗bonus。。。雖然唔夠一年係好少，但總算有好過無啦。。。其實我本身預咗無架，因為入職時老細有同我講過，話未夠一年無bonus。。。所以我都係諗住無架啦，點知無啦啦有喎，真係開心。。。總算呢幾個月大出血後一個好的幫補一下。但有錢就身痕。。。又想買拍喎。。。不過我都係諗二手，唔買一手啦，好貴。。。不過都係乖乖地儲下錢好過啦。。。

最近工作都係一般，話順利嗎？真係唔知，但總算還可以吧！有功勞，唔知老細睇唔睇到，做緊uat test，搵個最終的model試，起碼做咗第一步，知點試，知點check，感覺唔錯，搵到佢哋啲code睇唔到的地方，幫佢哋手解決問題，感覺幾好。阿醫師同師父都話我過咗四月四號後會好啲，我都希望如此。。。

有點累，寫一點，記一點吧。

係我搵到od唔應該用monthly，應該用daily，結果daily貼近現實，同我估計的接近！uat開始咗，睇晒code，問題唔太，run唔死，唔死得人就由佢，不過如果唔check data，有時根本唔知佢地有錯，個checker真心食屎。。。

最近老細諗緊啲所謂的全年活動。。。我大佬諗成班人去南丫島行山。。。二幾人，公司名，有咩事真係唔知笑你好定唔笑你好啦。。。當中有人可能會暈船浪，跟住去啲人唔想同你食，禁佢地去邊？如果係我，我會搵條最易行既新界路線，最好行完可以去食野的路線。。。不過唔關我事啦，又唔駛我帶，我又唔係主席，唔阻我打波咪去囉，我掛住去打波就未必去架啦....仲要玩我一日既話，我去打波算了.....

工事訴...

 多咗部notebook，我真係多咗機會打下blog，寫下野，舒發下自己的感受。

最近都係為工作唔開心，大佬同上司都係不停要我run code，但其實我心中有數都係知啲code有問題run唔到的，有啲啦，要改位置，問咗幾日都未講改邊，唉，我夾係中間可以點。。。班consultant寫埋啲垃圾，又無indicator，又寫太多太多procedure，要check其實好難。。。伏味濃呀。。。加上我上司勁鐘意我大佬講既野，總之佢講就乜都啱，但其實佢都只係一個無咩見識的人，加上佢識program，唔係programmer，唔知點樣check先叫做好，一味只係睇code，真係多L謝晒，睇code....我禁L勁都無可能話自己係睇就肯定啱晒啦!痴線。。。我無眼睇啦，由9佢地自己想點就點啦，我聽佢地講做就算，其他我唔會再俾意見架啦，我都係出去搵工，搵個啱我的地方算。。。呢度真係不可理喻！

班consultant寫啲code真係好垃圾。。。佢地出條數太大，叫佢地睇，佢地話無問題，到我有日睇佢地啲code先發覺，點解用month既，overdraft禁快的transaction 唔係應該用daily咩？跟住我走去研究daily和monthly有幾大difference... 最終俾我搵到太約10%的difference. 我問班consultant點解唔睇monthly，佢哋話一向都無用。。。原來風管唔需要禁細緻，但司庫需要細緻，各人要求唔同，你想分開兩個model做，但又唔去研究，禁想點做呢？叫佢去研究，又唔想去做，最終司庫用前線去壓佢就肯去做，唉。。。。

其實個研究我自己寫code去研究既，啲 code 對於我來講要寫一啲都唔難，做埋ver都唔係難事。我分享俾大佬睇，佢真係睇到o晒咀。。。佢話佢識code，睇就知啱唔啱，禁佢禁叻，由佢自己睇囉，我就無禁叻啦，我需要啲support幫我睇啲野啱唔啱，啫係我地成日講既health check. 佢唔識仲吹到自己好勁禁，話睇code就得啦，就知啱啦，禁你禁叻睇code就得，你做囉，我就唔得啦，連wilhelm都唔得。。。唉，唔識講，只可以講，以佢既唔聽人講既一般見識，由佢啦。。。

good bye 卡樂B 婆婆

 今日食食下飯，收到姑姐的message，話卡樂b婆婆星期日走咗了，九十七歲，安祥地走，細仔送到佢走。都係老人病啦，老死㕸，好似話初三跌過，之後一直身體麻麻，加上食唔到野。。。食唔到野就多數都快了。。。

姑姐除咗通知我之外，仲有通知我老豆。。。我唔太想俾我老豆去送佢，而我應該會去。我妹本來話會陪我去既，但我老豆講話阿嬤走時，佢地一家都無人嚟送阿嬤，所以佢想唔去了。。。跟住阿妹又講話係喎。阿嬤走時剛剛過年，唔知邊個話唔想周圍通知人哋呢？我地最終都唔係講咗俾好多人知，我連身邊的朋友都無講過，因為過年唔想搞到人地，但阿媽我就有講。。。。

其實細個卡樂b婆婆好鍚我，佢同阿嬤好好朋友，我自己唔太計較人地點做，我唯一會計較自己點做，阿媽都係禁教既...

anyway，人地點做我唔理啦，我會去送佢，姑姐返唔到嚟，我應該都會幫佢做白金，但上山我應該唔到啦，夜晚會企一企囉。。。

希望阿嬤同卡樂bb婆婆可以係天堂開開心心禁打ma jo la~

睇中醫

 好耐都無睇過中醫了，公司醫療包咗，最近成日頭暈，所以去睇下啦，希望頭暈有好轉啦，雖然影響不算太大，自己頂到下的。

最初其實無位既，最後插到位。入到去，同阿醫師傾咗幾句，開始時佢問我有咩唔舒服，我話頭暈，仲話昨晚打波時暈咗一下，啲野係度轉，間中都出現呢個情況，可以刻服既，但都想搵個原因既。。。跟住醫師問我玩咩運動，我話羽毛球，仲話一星期三四場，有時幫朋友開場，有時幫朋友頂場。。。跟住佢把我默。。。把完就開始傾咩事了。。。佢話我應該轉工，話呢份工唔啱我，我個人太盡責了，但呢份工無啦創作性，我需要創作性的野先有滿足感，呢份工無咩創作性，所以我覺得悶。。。佢仲話有時自己限制咗自己，應該放開個限制，開放自己，搵工都唔應該有太多限制。佢仲話我肝火重，夜瞓，叫我早啲瞓，瞓得好啲，就無禁多野諗，會好啲。。。

其實佢係咩人嚟架，佢睇穿晒我諗既野。。。準到我都唔信呀。。。。但佢講穿晒我諗既野，未解開到我心結。。。只寄望有好轉機，俾自己一個機會。。。神啊，可唔可以俾指引我呀？

累了，講到呢度先吧。。。還有同佢的關係其他的事，都真係好煩，但我真的累了，想休息先。。。食咗藥啊...

言外之音？

今晚有同朋友食飯，其實近期同朋友食飯，朋友都問我同一個問題，你同佢的關係是怎樣？你同佢點？我真係唔識答。我感覺到一啲野，但我每次都只可以話俾自己知，我諗多咗啦，無野架。。。

話說早幾日，佢又問我份工點，一陣先講我份工點。。。我其實無講得太多我工作的事，想講，但係公司唔太方便，到我方便，佢根本無時間俾我講，所以算啦。。。但佢講咗一句，話叫我搵份高啲人工的工，養埋佢。。。點解係我養佢？佢係我邊位呀？點解要係我？我一頭問號。。。我隻仔要我養佢，我明。。。我媽要我養佢，我明。。。我老豆我阿嬤要我養，我都明，但佢係我邊位要我養佢呀？佢係咪諗多咗呀？定其實佢諗緊其他野呢？我唔明呀。。。

但今晚佢同我講，係group入面，有幾個想追佢，有個直頭問咗佢兩次，佢話對人哋無feel，一係就話另一啲人唔係佢要的條件，大眼，高大，皮膚白。。。跟住仲話心入面有佢前度，放唔落人地，又話邊個同佢講，佢都話現在唔得住架啦。。。喂呀，你係咪俾緊說話我聽？知我有野想講。。。停咗我先，定直接話我知，我無行架啦，你收皮呢？妳個人都幾反覆架喎，到底你諗緊乜野架？定又係那啲隨口講完就算，唔記得自己講過啲乜架？我諗我都係當佢隨口講完就算啦，唔好太認真了。。。唉。。又唔係唔知佢成日都隨口噏。。。唉。。。

今日又討論緊現在啲人點追女仔，係我個人的問題，還是我真係太過老土呢？原來出面好多人都係覺得順眼就試下追，追到手先慢慢陪養感情。。。oh...其實我做唔到禁，睇啱就個個都試下追下。。。我個人鐘意一個人好難，呢幾年好似係禁，但一愛上就係佢了。。。現在我諗我係鐘意架啦，我希望佢幸福啦，我知我無得勉強人地鐘意我，同我一齊，不過我好難先係個心放得落一個人。。。有人話人馬座鐘意一個人，可以好耐好耐。。。呢個真呀，女神。。。唉。。。我諗我都係死返去FF女神實際啲，最少我見到佢開心，我快樂先啦。。。

今晚仲有樣野我想記底既。。。我諗呢樣野雖然我唔明，但我應該唔駛問chatgpt。。。話說今晚陪佢由旺角行到奧海，佢約咗啲朋友奧海食飯，由三期行到二期前，佢叫我俾返幫佢拎袋野佢，我無拒絕，感覺我知佢想唔想俾人知我的存在，唔想俾人知我同佢一齊行禁，當然我都配合佢啦。。。直到佢餐廳附近，我無強行送佢，我都無固意行去啲佢有機會俾人見到同我一齊行的地方。。。其實平時佢啲同事行，我明。。。但點解連谷友都要做到禁呢？成班都係les，個個都知佢係les啦，禁點解唔俾得人見到我同佢行呢？我真心唔明。。。不過由佢啦，佢有佢的朋友，我有我嘅朋友，我無必要深究咩原因。。。因為我想知，但我唔想問。。。由佢啦。。。。

之前有個羽毛球谷約打波食飯，我見佢覆咗人地去，兩日都得，但現在佢返新工，我有問佢點，佢話覆人地時未返新工，現在返新工未必呀。。。ok...你唔去，有個我唔想見的人去，我都唔多想去，由其係。。。打埋啲衛生波，我好悶呀。。。唔熟我唔想讓呀，加上我有啲傷，我唔想呀。。。所以我唔去多架啦。。。但如果佢去。。。我都睇下啦，我驚佢俾人蝦，但唉，諗唔掂。。。煩。。。

仆街啦，我仲話我會抽時間陪佢，但其實呢，我一早安排好晒自己的行程。。。因為我唔想成日為咗佢，無咗自己的生活，無咗自己的朋友，無咗自己的興趣，加上佢唔係我邊位，我更加無必要為佢留時間，留任何野。。。因為佢是我的一個朋友only。。。佢話架，not me...

 講返我份工先。。。之前都係講到tracy叫我睇code..我睇咗大半，其實好多都無咩心機睇，一來無必要評人地寫成點，佢run到就得啦，不過我寫個技術會好啲囉。。。我由將來管理的層面去做分析，我都會講，會諗啲方法俾佢哋將來管理會容易啲，因為我未必會係將來管理的人，我識code，識寫識睇，但下一手未必有我禁勁，所以我會用唔識的諗點管理。。。希望盡力幫到佢哋啦。。。我離開係事實，但唔知幾時，我只能盡我能力幫佢地解決當前的問題，將來我無能為力架啦。。。人至義盡啦！

最近搵工急咗啲，send多咗，試咗先算，其他我控制唔到，我乜都控制唔到，唯一控制到自己的心態，加油呀。。。愛情。。。放棄吧，工作，盡力吧。。。其他。。。我想死呀。。。唔知我會唔會好似媽咪禁呢。。。最近腸風多咗。。。

好掛住媽咪，好掛住阿嬤。。。好想。。。好想。。。累。。。

澳門之行記

 疫情三年，媽咪都走咗兩年了。。。好耐無去過澳門了，好耐無去過拜姨媽姨丈了。開咗關，終於成行了，因為價錢的關係，最終我同阿妹阿仔都係決定坐車過澳門，試一次吧，反正未試過。雖然我地預早咗，但拖住阿仔，其實我地時間預得唔太好吧，加上勁多人。。。真係好很多人呀。。。。過到澳門，好彩之前做咗少少功課，搵到車去竹林寺，睇埋地圖跟住行，其實唔難。好耐無拜姨媽姨丈了，見到佢哋個位，好多回憶都返晒嚟，買咗束香，簡單拜完就閃了，因為太大煙，怕阿仔頂唔順。不過有段小插曲。。。話說竹林寺除咗安咗姨媽姨丈外，仲有阿公同太婆。。。雖然我好耐無嚟拜，但都應該唔會唔記得阿公個堂係點架。。。行來行去都好似唔見咗，原來阿公個堂整緊個頂，搬走咗啲神主牌，所以我唔認得，好彩最後都搵到，上咗束香就閃了。

去完竹林寺，要搵野食，由於要就阿仔，所以之前都有問過阿妹食咩好，但條友又唔覆，真係暈。。。都唔知點plan好。。。求其入咗間野食，但呢餐唔好食，阿妹仲話我好唔去間出名的食。。。。頂。。。你又唔覆，叫我點準備呢？

食飽野就係三盞燈搵車出新馬路去大三巴。。。大三巴好燃多人呀。。。走時行錯路，行咗好遠，阿妹又發脾氣，差啲又鬧交。。。行完大三巴，搵車去氹仔london 人，影完相，又行咗一陣，又影下巴黎人，諗住係威尼斯人行去官也行，最終又行多咗路，又差啲同阿妹開片。。。

去到官也街，又係多人到痴晒線，行到邊就排到邊，買野又要排，食野又要排，佢唔想排隊，最終食咗間唔太好食的拉麵，又話我好搞到禁夜走。。。。唉，係到怨我好去晃記排半個鐘買野。。。唉，我都唔知可以點譾好了。。。

最終搞到十點幾先返到屋企，成個人散晒，累熳。。。

總結係如果唔係諗住過去 拜山，真係唔會過去，多人都唔恨。。。。啲景點多燃多人，香港人真係好耐好耐無去過旅行，一有時間就衝晒出去，真係勁呀。。。但短期內我真係唔會再過去了，因為真係太多人啦。。。

btw...我張回鄉證過咗期，要五月先約到換證，啫係話除咗發出去外，就只有。。。澳門了...

工作小記

 今日不如講下chatgpt，話說。。。我開咗account，昨晚開始試玩，用嚟搵資料真係好正，好方便，幫唔幫到工作，真係唔知。。。盡力啦。。。除咗搵資料外，仲可以幫手整理一下啲野，好方便，詳細要慢慢玩先知，遲啲再講多啲啦～

講開工作，昨日我大佬同我講叫我做乜做乜，要cc老細。。。搞到我焗住做得認真啲啦。。。。講起點驗個program，佢不停只係叫我睇code，我講起將來點管理個program，同佢傾，佢好似完全唔明我講乜。。。我講話個program點都要有QC check，佢話睇code得啦。。。o晒咀。。。我諗我地好多個寫program的人都知，要有QC check先知自己啲野啱唔啱，今日啱，唔代表聽日啱，所以點都要寫啲QC check出嚟俾人睇好又還是俾自己睇都好。。。佢唔同意，話唔駛做禁多野，我真係暈呀，成日話睇code，點睇？無可能睇得晒，你睇得有幾多？我信report多過信code囉。。。

有時我真心唔明我大佬諗乜野，我同佢真係好難溝通，我真心想走，但安穩的生活令我無咩動力去轉變，但係。。。唔走似乎真係唔得，就算俾我過到試用期，我同佢都係唔夾，我唔明佢諗乜，佢又唔明我諗乜，佢最勁的只係做，諗計真係難啲。。。所以。。。都係努力搵工吧啦，無謂勉強。

昨晚同車仔食飯，好耐無見了，雖然少見，但之前都有傾電話的，大家都有工作上的不快，但問心，我講唔到太多，佢又有啲唔明。。。不過算啦，總叫做搵到個出口訴下囉。。。昨晚同車仔仲傾起佢。。。係呀，原來我好多年都無戀上別人了，用愛上？用看上？真係好多年無了。。。我都唔知點解。。其實車仔聽佢的事都應該唔係第一次，不過之前的都忘了吧。。。車仔叫我出去識下人，唔好成日得佢，其實我真係有出去識下人架，不過唔啱之ma...又可能因為我一見到唔對路就閃啦。。。

又有人話表白係好事，如果對方ok，你煩少樣野。如果對方唔ok，你可以放棄。如果對方都唔知，你可以一路等佢，一路搵下有無其他人。。。對者我明，後者我諗鐘意一個人，想同佢一齊，唔係漁翁撒網。。。呢個行為唔係我囉。。。白痴呢？係，我就係這種人。。。其實佢快樂就夠啦，反正我條命都唔長，最多仲有廿年左右。。。唔好太執著吧。。。放手，放佢去做去選擇自己喜歡的吧，反正我從來都唔係佢想要的。。。三月了，係時候真係放手啦。。。

珍惜。。。

 早幾星期有個前老細搵我，傾咗一啲野，傾傾下，佢同我講以前有個好鍚我的同事走咗了。。。真係完全唔知。。。無人同我講，又或者我無時間關心前舊同事掛。。。之前真係太忙了。。。今晚同啲舊同事食飯，有個朋友話俾我知，原來以前有個好鍚我的同事都走咗了，以前對我好好的，估唔到人真係禁脆弱，不知不覺走了。記得早一兩年都仲有send message 祝福一下，舊年今年都無了，太忙？一點吧。。又或者真係我無咩別人心掛。。。其實堅忙，忙到根本唔想覆message，唔想睇message....

人愈大，愈睇化晒。。。珍惜可相遇的時間，因為你唔會知會唔會係最後一次。人真係好化科，隨時隨地死神來了，真係完全唔知。

開始學習唔好太執著，要求唔好禁高，太執著太多要求，只會令自己太辛苦，太唔開心。其實我都唔係一個好執著的人，要學會放下。。。其實我都學咗好多年。。。

人生無常，學會放下執著，學會珍惜相見相會的時間。

文書處理？

 呢兩日不停係度幫佢。。。整佢公司的野。。。又word又excel仲加埋power point。。。乜叉都拎晒出嚟。。。原來Mac和pc既word和excel真係有分別的，無論係用法又或是format都有口日竹戈啲分別。。。仲要整完之後開返完全唔同晒。。。真係暈呀。。。。

有時真係唔明佢。。。明明自己搞唔掂，又要答應人地幫手。。。心地好係我鐘意佢既其中一個優點，可惜係搞到我呢。。。禁夜瞓，禁早起身幫佢整，去打波，但其實個心係佢度，點打，心都不在，個人係度都無咩意思吧。本來約咗啲波友打完波去飲茶，最終無食野返嚟幫佢做到五點幾。。。搞咩呀我。。。真心唔明自己點解會禁。。。屋企有少少野食既，但唔會係好飽。。。因為無咩時間食，好彩有盒奶頂一頂，但最終都搞到無晒電。。。要飲寶礦力頂。。。

我都好耐無用word和excel做過呢啲野了，上一次都係幫佢搞。。。我自己份工唔駛搞呢啲野，校友會我都好耐無搞呢啲了，俾咗人地搞，我要求唔高，只要見得人就算了，唔駛太在意啲格式行距等等，由佢啦，出到就得啦。。。

講返佢，佢終於真係last day了，之後續唔續真係唔知，交俾神安排啦，續佢又辛苦，唔續佢又悶，不過等佢自己決定啦，禁大個人。。。意見我俾晒了，我只係想佢好，佢做咩決定我都會支持佢的。

有時真係唔係好明白自己，做乜野會禁對佢。。。我愛佢的。。。想講出口，想攬住佢鍚，但一切一切都唔敢做出嚟，可能因為我係乙木掛。唔知佢知唔知佢我心意，但佢知道今日我所做的，唔係佢的話，我真係唔會禁做。。。我仲多口話佢以身相許都唔掂。。。其實我講笑，但諗返卜我唔應該禁講。。。抽佢一野水係唔啱既，但真係唔知佢點諗了，佢都話佢自己賣身都唔掂。。。

有時諗。。我知我唔係佢想要的，無論外貌，高度，type都唔係佢想要的，又搵唔到錢，又弱，只係無止境禁錫佢。。。我唔應該太投入，最終我決定要走抽身又係好似六年前禁辛苦。。。我知我真係好憎自己，好想虐待自己。。。每日都不停想虐待自己。。。唉。。。死啦。。。我個心又係晒佢度，要抽身又係玩死自己禁，點算呀。。。

不過近期佢對我的態度真係有啲奇怪。。。好咗？真係唔知，等佢返嚟先諗下傾下啦，暫時都係等佢生日開開心心禁過啦，其他暫時唔諗住。佢唔係香港的呢個星期，我最多都係打波和約下朋友食飯，佢返嚟的那日，我都諗緊點。。。我應該唔打波。。應該係。。。

今日佢有叫過我唔好去打波，幫佢整埋啲野，但係呢。。。今日班全部都係朋友，仲要講咗話打完波去飲茶，所以我都係出現好啲，仲要簽場。。。所以。。。最終都係拎埋notebook去打波，可惜都係幫唔到手。。。

多咗部notebook，我多咗寫blog，呢度係我最舒服想表逹自己的地方。。。

昨晚開部機幫佢做野時，順手睇下以前啲相。。。我發覺我同佢無咩合照，根本可能係無。。。其實六年前我都知佢唔想同我影相，呢樣野我從來都知，到現在我都知。。。佢有同事行，我會自動自覺走開，我知佢介意。。。我知佢介意人地點睇。。。係我先唔介意人地點睇啫，可能係我太型，又或者係我太純掛。。。

累了。。。太早起身，做得太耐了，得閒再談。。。

神秘的blog?

 呢度有幾神秘？其實都幾神秘架，因為我無周圍post條link出嚟。唔想太多人知，可能係因為我想保留一點。。。私隱吧，私乜叉隱，公開可以有幾私？

其實我都幾喜愛用文字去記錄，早幾晚睇返之前自己寫的野，總有點記憶了。2015年發生咩事？當年鐘意佢的乜？當年第一眼當然係佢外表啦，但之後都應該係佢性格和佢特別的地方。那今天呢？問心，佢不是完美，外貌好。。。性格。。。好。。。其他都好。。。好美麗的形容詞，哈哈。佢外貌係中上，性格係固執硬頸先入為主，好易俾人帶風向，脾氣有點差，現在好了一點了。。。還有要求高，少許自私。。。不完美，但可接受。我欣賞的係佢性格，佢有俠義心腸，又好幫人，又熱心，雖然有時能力不足，但佢會盡力做，行動力強，仲有同佢相處舒服的。其他能力技巧就由佢啦，我想搵女朋友啫，又唔係要個工人，又唔係要個煮飯的。。。

今晚同朋友講起我前度。。。我同佢去咗一次澳門旅行，我就決定唔會搬出嚟同佢住，因為佢實在太懶了！我真心頂佢的懶唔住，成日只係想係屋企瞓，個個星期都係困係屋企，連去旅行都係困係屋企，郁下都唔想，係屋企有咩做？瞓囉。。。唔好唔記得我瞓唔到架。。。。仲要瞓晏覺。。。你玩我咩？我夜晚瞓唔到架。當我有事發生時，佢真係對我好好，每次都會衝出嚟幫我去爆。。。最誇張一次係爆咗人地兩粒鐘。。。。最終搞到銀行要拎埋張cash coupon和道歉信上我公司同我道歉。。。幾威呢。問心，佢除咗有第個之外，真係幾好，但當年點解唔鐘意佢？我真係唔知。。。。

今晚同朋友傾計，朋友都話有啲野好似整定禁。。。呢一切都係氹自己的說話，唔好信太多，我都唔知之後可以點，但我唯一可以諗係隨心吧。

講返昨天見工，我有提過我好喜歡寫code。禁巧合近日班consultant import csv有問題，佢地用sas個function import，呢個有個缺點，就係date format free style...好易出事。。。點知真係出晒事，我發現咗，我問佢哋點解唔用code import，佢地話唔識。。。我個下爬真係跌咗出嚟。。。唔識。。。禁你地做乜叉consultant呀？我叫佢地自己諗，download落嚟desktop自己睇住先。第日我返到公司自己寫啲code出嚟試code，我全部都成功，check晒無事喎。。。勁呢。。。我老細今日問無啦啦走嚟問我佢地咩事，我講晒成件事俾佢知，佢叫我地問佢地拎code去check佢哋啲code，寫返啲point睇下佢地啲code既preformance。。。我心唸我老細搞乜禁so俾我？叫我大佬就識條鐵咩。。。都係指意我架啦。。。而且係我最喜歡做的事。。。真係禁so我定我老細昨日撞到我呢？

問心，份工工作環境和福利真係幾好，但工作內容自己真係唔太喜歡。。。但太忙自己又唔想，只係睇下會唔會有迫於無奈啦。。。

眼瞓，今晚寫住禁多先。得閒會再寫。。。notebook最大的工作除咗係想寫code外，就係想寫下野。

情人節2023

 又到情人節，對我這個無情人的人來講呢日無咩特別。。。都係要過的一日吧。。。上年我無出去，都係係屋企整咗塊扒就算。。。最緊要自己開心食得開心。。。今年。。。。

上星期book今個星期的場時，我已經提咗公主唔好book禁多場，我朝早都無起身book場，最終公主login我ac走去book場。。。。救命。。。頂。。。本身都唔知今年有無野做，唔知打唔打波。。。

其實本身有預要唔要陪佢。。。最終佢話唔駛我陪，禁我咪去簽場打波囉。。。。先講今晚的事，再講佢的野。。。今晚好彩有啲朋友幫手嚟打，唔駛點吹雞，都算好彩，但真係有啲悶，最終我無出過汗，真係好少好少有。。。濕都無濕過。。。悶到呢。。。。打完波就返屋企食野休息打下blog了。。。

講完今晚的事，不如講下佢。。。其實本身有諗過今晚陪佢，問咗佢兩次佢最終決定想自己一個人過，禁我都ok的，由得佢啦，我都唔想迫佢。。。本身都無預會見佢，但中午幫佢拎藥，中午又見佢。。。送咗個蛋糕仔俾佢，希望佢開心啦。

上星期請咗一日假陪佢，陪咗佢一日，感覺比之前好咗。其實新年時決定唔理佢，想離開佢，但最終都係心軟啦，佢出絕招，叫我上去佢度飲湯。。。本身都唔想，最終左就右就就上咗去了。。。上到去，我堅驚佢會食鬼咗我。。。我真係驚架。。所以每次都會同佢保持一定的距離，我都知佢唔鐘意我，我唔係佢想要的人，無論外表和type都唔係。。。但我真心唔明點解明明我想離開，佢又要拉返我返嚟，到底點解？其實佢都知我鐘意佢架啦，都知我唔會個個都對禁好。。。佢唔肯俾個肯定，又想要人地對佢好，其實真係無架喎。。。有日其實我有心chok佢既。。。詳細唔記得我講咩，只記得下係講佢第時有partner，我會少啲搵佢之類，佢就話就算佢有partner，佢都會keep住同我既關係。。。之類的野啦。問心。。。我一定唔會啦，一來我真係頂唔順見到佢有一個，自己明明仲對佢有野，我真心頂唔順。。。第二。。。我自己都知自己事，我禁鬼細心，其實好多朋友的另一半真係會呷醋架。。。成支飲。。。

但問我諗成點，我都未諗掂。。。。有日佢講話鐘意佢啲人成日話佢係完美，我回咗一個"笑容"。真心，佢真係唔係完美架，氹佢就話佢靚，但其實佢硬頸，脾氣大，固執，任性，要求多多，但自己又唔想付出多，鐘意R野，天生識利用人。禁多缺點，但都有優點的，我鐘意佢堅持，耿直，路見不平，見到不平時，佢第一個會衝出嚟表達，好勇。其實我鐘意佢入面多過鐘意佢的外面，樣隨時可以變，但內心永遠都唔變。我鐘意佢嘅係全部。。。唔係一部份。

其實我仲未諗掂我講唔講好。。。我諗佢想多個朋友好過做情人，我既感覺係禁。。。但我呢？我想佢有個快樂的生日，我只想佢快樂，我又準備來虐待自己了。。。來來回回，又走返嚟佢度，我諗神應該係有啲指示。。。月老又有啲安排。。。係咪禁呢？明明預咗佢走咗，但點解又返嚟架。。。。唉。。。

其實我會鐘意有人管我的，但管得太多我又會唔鐘意，但我願意俾佢管，呢個人應該僽我心中好重要了。

眼瞓。。。思想開始唔知講咩了。。。。

整煲記

兩年幾前，二零一九年十一月，媽咪有少少唔舒服，未需要入院，個電子煲無反應，壞咗，媽咪一個人拎住個煲去紅磡整。。。我返工，媽咪閒日去整，到十二月，媽咪入咗院，個煲有得拎，最終表哥成日會經過紅磡，表哥幫我地去拎。仲記得媽咪叫我地提表哥，記得要去拎返個煲返嚟。而個煲一直用到現在。。。一星期一次左右，主要係煲湯，其他野好少整。。。

到最近個煲又壞了，可能我太重手落得太多料去煲湯，煲得太多野。。。又係唔著煲。。。我同阿妹傾整唔整。。。最終都決定整，因為個煲對媽咪好重要，病咗都仲要記住個煲。。。

星期六抽左啲時間去放低咗個煲整，好彩離地鐵站都唔係遠，只要識路。。。有時諗，媽咪拎住個煲去整，都真係好辛苦，條路都遠，個煲都重。。。我大隻都覺得少少重，更何況有啲唔舒服的媽咪呢。。。其實當年應該係我拎去整。。。上到去，佢幫我check record，上次整係一九年十一月，壞的情況一樣。。。。本來無咩野諗，我又突然諗起媽咪了。。。

整煲要一星期左右，希望快啲手整完拎返返屋企啦。。。。我會小心啲用了。

毒舌大狀

 終於有時間睇了，睇戲真係要同啱既朋友睇。。。

之前睇正義迴廊，我同個朋友睇到想嘔。。。因為個戲情太爆了。。。

今次又係法庭戲，今次比上次好睇啲，但有啲位。。我都係覺得慢咗少少，可能我真係太過無耐性了。但整體真係好睇。。。

到底正義幾時會來？今時今日的香港，講野真係要小心。。。我仲身在香港。。。所以唔可以講太多。。。每日睇新聞。。。都有這個感覺，完全係睇戲的感覺。。。個個人的感覺都不同，但我真係唔可以再講太多了。。。。

我鐘意睇啲正義的電影，或者劇啦。我細細個就嘉歡睇超人的特攝，因為最終都係正義必勝。但現實是不如此？不評論了。。。

有些事情只會在電影中發生，現實？

到底一個人點解可以親手殺自己個女呢？我不明，不要明，電影看過就看完了。。。不要想太多吧。

電影是消閑，有點思考，有少量的東西想拿走，但不太多吧。。。今晚拿到些什麼？

新玩具

 講咗好耐話買notebook，本身有諗windows pc 的，但最終決定買Macbook air, 本身一直都係諗二手，最終去咗到三隻色去選擇，銀色唔係我心水，睇完電個健康度，完全唔會諗，睇黑色，個健康度會係我考慮之列，睇埋金色，就呢部啦。我命格係欠金火，我好少用火，金都唔係多用，apple系列，我都係第一次唔係用黑色，用落真係好方便，連續兩晚都係開部機做野，整理一下自己嘅的野，終於有時間可以對住電視，睇住youtube做野了，好享受一路聽youtube，一路整野，希我真係會整啦。

其實我都好耐無係度寫野，我本身寫野唔太差，只係文筆用太多口語了。香港人，用口語是常識吧。

講返近期的事，反正無太多人會睇，但寫野都係要小心，萬一有啲人睇，我真係會死得好慘架。

近期都係煩工作，愛情根本無得諗。。。。講工作先。事情非我所願，控制不來，唯有交俾神。工作係唔開心架啦，我唯一可以做係係唔開心中找快樂。反正都係要過，要為自己的帶快樂吧。搵工，我都係會盡力搵，控制不來，但有些準備就不用怕了，唯一是裝備自己，為將來打算一下。但經過昨晚的計算，我有點準備，不用太擔心吧。

談家人，老豆身體一般啦，但媽咪叫咗我地睇住老豆，就記住要做好了嗎。老豆成日講到自己身體會差，有時都真係好擔心，但都係盡力做吧！不要後悔啊。

當我唔開心事，最想做什麼？除了寫blog外，就是去到媽咪的墓前和媽咪傾計。但如果說同阿妹老豆一齊去，其實真係好難有呢啲傾計既機會。我自己一個去，好多時企成三個幾字。以一個無耐性，又過度活躍的人來講，真係有啲點耐了。

有時我會諗，到底我身邊的朋友有幾了解我？我講多啲既朋友，或許會知多既野多啲。其實了解一個朋友有幾難？由其是我是一個不難了解的人，我健談，又喜歡分享，所以要了解我，根本一點都不難，只是你有沒有心吧。

談愛情？我真係唔識講，一切都交俾神吧。有些巧合，又有些不明白，想唔心軟，但到底我可以做到有幾多？我一點都不知道，我只知道。。。